بھٹکل:20؍نومبر(ایس اؤ نیوز)مرڈیشور میں پشکرنی کے اطراف سڑک توسیع کے لئے سہولت ہونے کے باوجود افسران ان دیکھی کرتے ہوئے پرانی سڑک پر ہی اکتفا کرکےتعمیری کام کئے جانے پر دیہی عوام نے تعمیراتی کام روک کر اپنی مخالفت کا اظہار کیا ہے۔

مرڈیشور دن بدن بڑھتا جارہاہے، سیاحوں کی تعدادمیں اضافہ بھی جاری ہے، پشکرنی علاقے میں ٹرافک کے لئے بڑ ا مسئلہ پیدا ہوتا رہتاہے، ہبا کے موقع پر گنجانی بہت ہونے انہیں کنٹرول کرنا مشکل کام ہے، ایسے موقعوں پر عوام اور سیاحوں کے لئے بڑی دشواری ہوتی ہے، مرڈیشور کے بس اسٹانڈ سے مندر جانےو الی روڈ کے کنارے سروے نمبر 23پر 5گنٹہ گرا م پنچایت ماولی 2کی سرکاری زمین ہے ، متعلقہ زمین کو سڑک توسیع کے لئے استعمال کرنے کا موقع ہونے کے باوجود افسران ان دیکھی کرتےہوئے آگے بڑھ رہے ہیں، یہ ایک غیر سائنٹفک سڑک کی تعمیر ہے، نشان وغیرہ کچھ بھی نہیں ہے، جیسے جی میں آیا ویسے کام کیا جارہا ہے،  بااثر افراد کے دباؤ میں پرانی روڈ پر کام کیا جارہاہے ، ہم اس کا کسی حال میں بھی موقع نہیں دینے کی بات کہتے ہوئے احتجاجیوں نے اپنی برہمی کااظہار کیا۔ احتجاجیوں نے ماولی گرام پنچایت 1کے پنچایت آٖفیسر نٹراج کو میمورنڈم دیا۔ شری دھر نائک، ناگراج نائک، راجو نائک، سنتوش نائک وغیرہ موجود تھے۔