بھٹکل:05؍فروری(ایس اؤ نیوز)مرڈیشور مندر کے رتھ روڈ پر پولس تھانے کےروبرو ون وے ٹرافک کی مخالفت کرتے ہوئے علاقے کے عوام نے بدھ کو بھٹکل اسسٹنٹ کمشنر کو میمورنڈم سونپا۔
میمورنڈم میں تحریر کیاگیا ہے کہ متعلقہ روڈ کو اتسوا کے دوران استعمال کیا جاتاہے، گنیش چترتھی کے موقع پر بھی متعلقہ سڑک پر 15دن عوام کی چہل پہل رہتی ہے، یوم ِآزادی، یوم جمہوریہ کے دوران بھی پریڈ کے لئے 6دنوں تک سڑک کا استعمال کیا جاتا ہے۔ اس کے علاوہ کئی موقعوں اور پروگراموں کےلئے سڑک کا استعمال ہوتار ہاہے۔ اب وہاں ون وے ٹرافک نظام جاری کرنے سے مشکلات کا سامنا ہوگا۔افسران ترقی کے نام پر عوامی خواہش کے خلاف ون وے ٹرافک جاری کرتے ہیں تو بدامنی کے حالات پیدا ہونے کی بات میمورنڈم م یں کہی گئی ہے۔ افسران کسی دباؤ کے تحت کام نہ کرتے ہوئے عوامی سہولیات کا خیال رکھنے کا اظہار کیاگیا ہے۔ بھٹکل اے سی ساجد ملا نے میمورنڈم وصول کیا۔ سابق گرام پنچایت صدر کمار نائک، ستیش نائک، شری دھر نائک، واسونائک بلسے ، ناگراج نائک ، جٹگا موگیر، عبدالقادر وغیرہ موجود تھے۔