بھٹکل:17؍فروری(ایس اؤ نیوز)مرڈیشور بینا وئیدیا اسکول کے متعلم ہرشی کیش پتیہار کی طرف سے زرعی ٹکنالوجی کے متعلق نمائش کردہ مشین’ اگری روبو ‘ کو قومی سطح کے لئے منتخب کیاگیا ہے۔

منڈیا کے شری آدی چنچن گری میں منعقدہ ریاستی سطح کے انسپائیر ایوارڈ مقابلے میں ہرشی کیش کا اگری روبو منتخب ہواہے۔ اگری روبو شمسی توانائی کا استعمال کرتے ہوئے خود چلنے والی مشین ہے، اس کے لئے ڈیزل یا پٹرول کی ضرورت نہیں ہے۔ یہ مشین بیک وقت زمین کی زرخیزی ، پانی سیراب کرنے اور بیج بونے کا کام کرتی ہے۔ اگری روبو کے ذریعے زرعی کام لیا جاتاہے تو وقت اور وسائل کی بچت ہوگی ۔ اگری روبو بنانے والے ہرشی کیش اوراس کی رہنمائی کرنے والے استاد پدما پجاری اور راگھویندر نائک کو ادارے کے صدر منکال وئیدیا ، ڈائرکٹر پشپ لتا، پرنسپال جگناتھ چنیکر اور اساتذہ نے مبارکبادی پیش کی ہے۔