بھٹکل:27/ستمبر (ایس اؤنیوز)ذہنی دباؤ میں مبتلا آنگن واڑی کی ایک استادنی نے پھانسی کے ذریعے خود کشی کی کوشش کے بعد اسپتال میں علاج کارگر نہیں ہونےکی وجہ سے ہلاک ہونے کا واقعہ پیش آیا ہے۔ ہلاکت کا واقعہ مرڈیشور حدود کے تودلی میں پیش آیا ہے۔

مہلوک خاتون کی شناخت شاردا راگھویند رنائک (32)بتائی گئی ہے۔ مہلوکہ کے پسماندگان میں شوہر اور ساڑھے چار سال کا ایک بیٹا ہے۔پولس نے شبہ جتایا ہے کہ خود کشی کی وجہ مسلسل بیمار ی ہوسکتی ہے، البتہ اصل وجہ کا پتہ چلنا باقی ہے ۔پولس نے جائے واردات کا معائنہ کیا ہے، مرڈیشورپولس تھانے میں کیس درج کرلینے کے بعد جانچ جاری ہے۔