کولن منرو کے جارحانہ 90 رنز، اسلام آباد یونائیٹڈ نے کوئٹہ کو شکست دے دی

Source: S.O. News Service | Published on 12th June 2021, 12:16 PM | اسپورٹس |

ابوظہبی ، 12؍جون (ایس او نیوز؍ایجنسی) پاکستان سپر لیگ کے 18 ویں میچ میں اسلام آباد یونائیٹڈ نے یکطرفہ مقابلے کے بعد کوئٹہ گلیڈی ایٹرز کو 10 وکٹوں سے شکست دے دی۔

کوئٹہ گلیڈی ایٹرز کے 134 رنز کا ہدف 10 اوورز میں بغیر کسی نقصان کے حاصل کر لیا۔ 

اسلام آباد کی جانب سے اننگز کا آغاز کولن منرو اور عثمان خواجہ نے کیا۔ کولن منرو نے 36 گیندوں پر ناقابل شکست 90 رنز اسکور کیے۔ 

ان کی اننگز میں پانچ چھکے اور 12 چوکے شامل تھے۔ عثمان خواجہ نے 39 رنز کی اننگز کھیلی اور ناٹ آؤٹ رہے۔ 

قبل ازیں کوئٹہ گلیڈی ایٹر نے پہلے کھیلتے ہوئے مقررہ 20 اوورز میں 133 رنز بنائے۔

اسلام آباد یونائیٹڈ کی طرف سے محمد موسیِ، حسن علی اور محمد وسیم نے دو، دو جب کہ عاکف جاوید اور شاداب خان نے ایک ایک کھلاڑی کو آؤٹ کیا۔

کوئٹہ گلیڈی ایٹرز کی جانب سے فاف ڈو پلیسی اور عثمان خان نے اننگز کا آغاز کیا لیکن صرف 23 رنز کے مجموعی سکور پر ڈوپلیسی پانچ رنز بنا کر محمد وسیم کی گیند پر بولڈ ہوگئے۔ 

ان کے بعد عثمان خان بھی کچھ خاص نہ کر سکے اور 14 رنز بنا کر شاداب خان کی گیند پر بولڈ ہوگئے۔

آٹھویں اوور میں سرفراز احمد بھی اپنی ٹیم کو دھوکہ دے گئے اور محمد موسیٰ کی گیند پر کیچ آؤٹ ہوئے۔

جیک ویتھیرالڈ 43 رنز بنانے کے بعد عاکف جاوید کا شکار بے جب کہ آندرے رسل محمد موسی کو دو چھکے لگانے اور ایک باؤنسر جھیلنے کے بعد انہی کی گیند پر محمد وسیم کے ہاتھوں کیچ آؤٹ ہوئے۔

محمد نواز نے محض چار رنز بنانے کے بعد اپنی وکٹ محمد وسیم کے حوالے کی جب کہ اعظم خان 26 رنز بنانے کے بعد حسن علی کا شکار بنے۔

کوئٹہ کی اننگز کے آخری اوور میں خرم شہزاد اور جیک ولڈرمتھ تیزی سے رنز بنانے کی کوشش میں رن آؤٹ ہو کر پویلین لوٹے۔

میچ سے قبل اسلام آباد کے کپتان شاداب خان کا کہنا تھا کہ ’ٹرینڈ اور ہوا میں نمی کی وجہ سے پہلے بولنگ کا فیصلہ کیا۔ آج فضا میں زیادہ نمی ہے اور پہلی اننگز میں گیند سوئنگ بھی زیادہ ہوتا ہے۔ اسے ہم پاور پلے میں کچھ وکٹیں حاصل کرنے میں استعمال کرنا چاہتے ہیں۔‘

کوئٹہ گلیڈی ایٹرز کے کپتان سرفراز احمد کا کہنا تھا کہ ’ہمیں اچھی کرکٹ کھیلنے کی ضرورت ہے۔ ہمیں اچھی بولنگ اور فیلڈنگ کرنی ہوگی۔‘

پوائنٹس ٹیبل پر اسلام آباد یونائیٹڈ کا تیسرا نمبر ہے اور کوئٹہ گلیڈی ایٹرز آخری نمبر پر ہے۔

ایک نظر اس پر بھی

ٹی-20 ورلڈ کپ: پاکستان نے ہندوستان کو 10 وکٹوں سے شکست دی

پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ ...

ٹی۔ 20 ورلڈ کپ: جنوبی افریقہ کو پانچ وکٹوں سے شکست دے کر آسٹریلیا کا فاتحانہ آغاز

آسٹریلیا نے ہفتہ کے روز اپنے گیندبازوں کی شاندار کارکردگی کی بدولت یہاں ٹی 20 ورلڈ کپ 2021 کے افتتاحی میچ میں جنوبی افریقہ کو پانچ وکٹوں سے شکست دے کر پورے پوائنٹس حاصل کئے۔ آسٹریلیا نےجنوبی افریقہ کو گروپ 1 کے اس مقابلے میں نو وکٹوں پر 118 رن کے معمولی اسکور پر روکنے کے بعد 19.4 اوور ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...