کیرالہ لینڈ سلائیڈنگ: مرنے والوں کی تعداد 23 ہوئی، لاپتہ افراد کی تلاش میں ریسکیو آپریشن

Source: S.O. News Service | Published on 9th August 2020, 11:14 AM | ملکی خبریں |

ایڈوکی،9؍اگست (ایس او نیوز؍ایجنسی)  کیرالہ میں ضلع ایڈوکی کے پیٹیموڈی میں جمعہ کو شدید بارش کے سبب تودہ کے ملبے سے ہفتہ کو مزید پانچ لوگوں کی لاش برآمد ہونے سے اس حادثہ میں اموات کی تعداد بڑھ کر 23 ہوگئی۔ حادثہ میں ہلاک ہونے والے افراد میں بچے اور تین خواتین بھی شامل ہیں۔ زخمی ہونے والے افراد کا علاج مختلف اسپتالوں میں کیا جا رہا ہے جبکہ حادثہ کے بعد سے 50 سے زیادہ افراد لاپتہ ہیں جنہیں تلاش کرنے کے لئے ہفتہ کے روز ریسکیو آپریشن چلایا گیا۔

اس سے قبل دن میں جائے وقوع کے پاس سے ایک شخص کی لاش کا حصہ دیکھا گیا۔ اس کے بعد ریسکیو آپریشن اسی حصہ پر مرکوز کیا گیا، س دوران اور بھی لاشیں برآمد کی گئیں۔ دیگر لاپتہ کی تلاش میں ریسکیو آپریشن ابھی بھی جاری ہے۔ تودہ سے چائے باغان مزدوروں کی ایک قطار میں بنے مکان زمیں دوز ہوگئے۔ ملبہ میں کم از کم مزید 43 افراد کے دبے ہونے کا خدشہ ہے۔

نیشنل ڈیزاسٹر ریسپانس فورس (این ڈی آر ایف) کی قیادت میں ہفتہ کی صبح دوبارہ راحت مہم شروع کی گئی۔ یہ مہم جمعہ نصف شب کے قریب روک دی گئی تھی۔ ٹاٹاٹی کمپنی، جس کے مذکورہ بالا مزدور ملازم تھے، نے کہا کہ عارضی مکانوں میں 81 افراد رہتے تھے، ضلع انتظامیہ کے افسران کے مطابق واقعہ کے وقت 78 افراد اس علاقہ میں موجود تھے۔

مونار کے معروف سیاحتی مقام سے تقریباً 30 کلومیٹر کے فاصلہ یہ حادثہ اس وقت پیش آیا جب اسٹیٹ ہاؤس کی چار لائینوں پر بڑے بڑے پتھر گر آئے۔ اس ضلع سے تعلق رکھنے والے ریاست کے بجلی کے وزیر ایم منی نے کہا کہ تمام متاثرین کی مدد کے لئے ہر ممکن کوشش کی جا رہی ہے۔ منی نے کہا ، ’’لاپتہ افراد کی صحیح تعداد چائے کمپنی کو معلوم کرنی ہوگی چونکہ یہ رہائشی علاقہ ہے لہذا گرام پریشد کو بھی ان کے ہمراہ کام کرنا ہوگا۔ ملبے میں اب مزید افراد کے دبے ہونے کے امکانات کم ہی ہیں۔‘‘

ایک نظر اس پر بھی

بھیونڈی تین منزلہ بلڈنگ انہدام: ہلاک شدگان کی تعداد 33 ہوئی، 25 افراد کو محفوظ نکالا گیا

ریاست مہاراشٹر کے ضلع تھانہ کے بھیونڈی میں بدھ کے روز تین منزلہ عمارت کے گرنے سے ہلاکتوں کی تعداد بڑھ کر 33 ہوگئی۔ افسران نے آج بتایا کہ نیشنل ڈیزاسٹر ریسپانس فورس (این ڈی آر ایف) اور مقامی افراد امداد اور بچاؤ کے کام جاری رکھے ہوئے ہیں۔

ترکی دوسرے ممالک کی خودمختاری کا احترام کرنا سیکھے: ہندوستان

 جموں و کشمیر کے حوالہ سے اقوام متحدہ کی جنرل اسمبلی میں ترکی کے صدررجب طیب اردگان کے بیان پر اقوام متحدہ میں ہندوستان کے مستقل نمائندہ  ٹی ایس ترومورتی نے سخت  احتجاج  کرتے ہوئے کہا ہے کہ ترکی کو دوسرے ممالک  کی خودمختاریکااحترام کرنا سیکھنا چاہئے۔