منڈگوڈ: مچھلی پالن تالاب میں بڑی تعداد میں مچھلیاں ہوئیں ہلاک۔ لاکھوں روپے کا ہوا نقصان
منڈگوڈ،14؍جنوری (ایس او نیوز) منڈگوڈ تعلقہ کے ملگی میں واقع ایک بڑے مچھلی پالن تالاب میں اچانک بڑی تعداد میں مچھلیاں ہلاک ہوگئیں جس کی وجہ سے لاکھوں روپے کا نقصان ہوا ہے۔
بتایا جاتا ہے کہ اس تالاب میں ملگی کے رہنے والے سدانند ایم ایڈگوڈ نامی شخص نے لاکھوں روپے مالیت کی مچھلیاں پال رکھی تھیں۔ لیکن کل اچانک ہزاروں مچھلیاں مردہ حالت میں تالاب میں تیرتی ہوئی پائی گئیں۔ اس واقعہ اطلاع ملنے پر محکمہ ماہی گیری کے افسران نے موقع پر پہنچ کر معائنہ کیا۔ ان مچھلیوں کی مرنے کی وجوہات کا ابھی کچھ پتہ نہیں چلا ہے۔ محکمہ ماہی گیری کے ایک افسر نے بتایا کہ حال ہی میں ہوئی بارش کا پانی تالاب میں گھس گیا تھا۔ا س سے تالاب کی نچلی سطح پر جمع کیچڑ اوپر کی طرف آگیا اور شاید اسی وجہ سے مچھلیاں ہلاک ہوگئی ہیں۔ پھر بھی اصل سبب جاننے کے لئے تالاب کے پانی کاسیمپل جانچ کے لئے منگلورو کی لیباریٹری میں بھیج دیا گیا ہے۔