منڈگوڈ میں کانگریس کارکنان کا اجلاس : ریاستی صدر سمیت لیڈران نے شیورام ہیبار اور بی جے پی پر بولا دھاوا
منڈگوڈ:05؍نومبر(ایس اؤ نیوز)مودی کے یوگا کرنے اور ٹرمپ سے ملاقات کرنےکی ہی خبریں شائع کی جارہی ہیں، لیکن معیشت کی ابتر حالت پر ٹھیک طرح سے کوئی بھی رپورٹ شائع نہیں کررہاہے، دراصل میڈیا والے مودی سے ڈرتے ہیں اسی لئے ان کے خلاف رپورٹ نہیں کرتے ہیں۔ کے پی سی سی صدر دنیش گنڈوراؤ نے کانگریس سماویش میں میڈیا والوں کے خلاف برہمی کا اظہار کیا۔
انہوں نے شیورام ہیبار کے خلاف تنقید کرتےہوئے کہاکہ پارٹی کو دھوکہ دینےو الے شیورام ہیبار کو ٹھکانہ لگائیں، سدرامیا کی حکومت میں کروڑوں روپیہ منظور کیاگیا تھااپنی نااہلی کی وجہ سے وہ کام نہیں کرسکے ، جس طرح مہاراشٹرا اور ہریانہ پارٹی بدلنے والوں کو سبق سکھایا گیا اسی طرح حلقہ کے لوگ بھی انہیں سبق سکھانے کی اپیل کی۔ بی جےپی صدر امیت شاہ پر الزام لگاتے ہوئے گنڈوراؤ نے کہاکہ سرکاروں کو گرانے والے ، پارٹی بدلنےو الوں کی امیت شاہ حفاظت کرتےہیں ، جس کا سب سے بڑا ثبوت حالیہ آڈیو ، وڈیوکلپ ہے۔ بی جے پی والے دھرم کی بات کرتےہیں مگر جوبھی کرتےہیں سب غلط کرتےہیں، بی جے پی ایک رشوت خور پارٹی ہونے کا الزام لگایا۔ بی جےپی کو اقتدار سنبھالے ڈیڑھ سال ہوگئے ، جن کی وجہ سے ملک میں بے روزگاری میں اضافہ ہونےکا الزام عائد کرتےہوئے کہاکہ بی جے پی کی حکومت روزگار مہیا کرنےمیں ناکام ہے۔ مودی کے کچھ فیصلوں کی وجہ سے ملک ابتر حالت میں ہونے کی بات کہی۔
ودھان پریشد میں حزب مخالف لیڈر ایس ایس پاٹل نے عوام سے خطاب کرتےہوئے کہاکہ کانگریس آزادی سےپہلے کی پارٹی ہے، بی جےپی آج کی پارٹی ہے۔ کانگریس کے گاندھی جی، اندراگاندھی ، راجیو گاندھی نے ملک کے لئے قربانی دی ہے۔ اب بتائیں کہ بی جےپی میں سے کس نے ملک کے لئے کیا کیا ہے؟ جب کہ آزادی کے بعد کانگریس نے ملک کو بہت مضبوط حالت میں پہنچایا ہے۔ انہوں نے بی جےپی اور صدر امیت شاہ کےخلاف الزامات کی بوچھار کرتےہوئے کہاکہ بی جےپی ذات پات میں نفرت پھیلاتی ہے، امیت شاہ کو سرحد پار کیاگیا تھا، ایسے لوگ آج پارٹی صدر ہیں، مرکزی وزیر داخلہ ہیں، گودھرا قتل میں معصوموں کی قربانی کو ابھی ہم نہیں بھولے ہیں۔
کانگریس لیڈر ایچ کے پاٹل نے کہاکہ بی جے پی کے یڈیورپا کا وائر ل آڈیو بی جےپی کو ننگا کردیاہے، اس کا تجربہ انہیں ہوگا۔ بی جےپی سرکارکی مدت تین مہینوں سے زیادہ نہیں ہے۔ ملک میں جی ڈی پی زوال پذیر ہے، ہمارے ملک کے اطراف ممالک کی جی ڈی پی میں اضافہ ہورہاہے تو ہمارے ملک میں کمی ہونے پر سخت تنقید کی۔ ڈاکٹر ایچ سی مہا دیوپا نے کہاکہ ملک میں مطلق العنان کی حکومت ہے، ملک کی معاشی حالت بہت بدتر ہونےکی بات کہی۔ دیش پانڈے نے کہاکہ 17لوگوں کی اقتدار کی حوس کی وجہ سے ریاست میں ضمنی انتخابات ہونےکی با ت کہی۔ یلاپور کانگریس امیدوار بھیمنا نائک نے عوام سےکہاکہ وہ شیورام ہیبار سے پوچھیں کہ استعفیٰ دے کر گیدڑ کی طرح ممبئی بھاگ گئے تھے اب ووٹ مانگنے کیوں آئے ہیں؟َودھان پریشد کے رکن ایس ایل گھوٹنیکر نے کہاکہ بی جے پی ایک جھوٹی پارٹی ہے، نااہل قرار دئیے لوگ خطرناک ہونےکی بات کہی۔
کانگریس سماویش سے قبل سابق وزیر دیش پانڈے کی قیادت میں بڑے پیمانے پر یلی نکالی گئی ، جس میں سیکڑوں بائک سوار اور ہزاروں کارکنان شریک ہوئے تھے۔ اس موقع پر یلاپور کے کانگریس امیدوار بھیمنانائک وغیرہ موجود تھے۔