مندگوڈ15/اگست (ایس او نیوز) مندگوڈ میں 73واں جشن آزادی کے موقع پر پرچم کشائی کرتے ہوئے تحصیلدار شریدھر مندلمنی نے کہا کہ انگریزوں کی غلامی سے نجات دلاکر ہمیں آزادی کے نعمت فراہم کرنے والی عظیم شخصیات کو کبھی نہیں بھولناچاہیے۔
انہوں نے مزید یہ بھی کہا کہ ایک دوسرے کے خلاف نفرت اور بغض چھوڑ کر آپسی محبت اور رواداری کے ساتھ سب کو یہاں زندگی بسر کرنا چاہیے۔ا ور دیش کی ترقی کے لئے ہماری ذمہ داریوں کا احساس ہونا چاہیے۔اس موقع پر ہندوستان چھوڑ دو تحریک میں مجاہد آزادی کے طورپر حصہ لیتے ہوئے جیل کی سزاکا ٹنے اور جدوجہد آزادی کی ایک آخری کڑی کی حیثیت رکھنے والی بزرگ خاتون لیلا بائی کی تہنیت اور عزت افزائی تعلقہ انتظامیہ کی جانب سے کی گئی۔
اس تقریب میں ضلع پنچایت رکن ایل کے پاٹل، جئے اماں کرشنا ہیرلی، تعلقہ پنچایت ای او پروین کٹّی، پولیس انسپکٹر شیوا نند چلوادی، اے سی ایف والی اور دیگر محکمہ جاتی افسران اور پٹن پنچایت کے اراکین موجود تھے۔