منڈگوڈ:وزیر اننت کمار ہیگڈے کی موجودگی میں بی جے پی اراکین کی تکرار

Source: S.O. News Service | By Shahid Mukhtesar | Published on 29th August 2018, 1:54 PM | ساحلی خبریں | ان خبروں کو پڑھنا مت بھولئے |

منڈگوڈ29؍اگست (ایس او نیوز) منڈگوڈ پٹن پنچایت انتخابات کے پس منظر میں منعقدہ پارٹی میٹنگ کے دوران بی جے پی کے اراکین آپس میں لڑ پڑنے کا واقعہ پیش آیا ہے۔

کہا جاتا ہے کہ 31اگست کو19وارڈس میں ہونے والے پٹن پنچایت انتخابات میں بی جے پی کے امیدواروں اور لیڈروں کی میٹنگ مرکزی وزیر اننت کمار ہیگڈے کی صدارت میں منعقد کی گئی تھی۔اننت کمار نے حاضرین کو مرکزی سرکار کے منصوبوں اور ترقیاتی کاموں کی تفصیلات بتاتے ہوئے بی جے پی امیدواروں کی جیت یقینی بنانے کو کہا۔ اس موقع پر اسٹیج پر موجود بی جے پی مہیلا مورچہ کی صدر سمن نے اننت کمار ہیگڈے سے شکایت کی کہ میں اور میرے شوہر گزشتہ بیس برسوں سے بی جے پی کے لئے کام کررہے ہیں۔ ہمیں پٹن پنچایت الیکشن لڑنے کے لئے ٹکٹ نہیں دیا گیا ۔ لگتا ہے کہ پارٹی میں ہماری کوئی قدر و قیمت ہی نہیں ہے۔ تین چار لوگ بیٹھ کر جو بھی فیصلہ کرتے ہیں وہی آخری فیصلہ ہوجاتا ہے۔جبکہ دوسری طرف میاں اور بیوی دونوں کو ایک ساتھ ٹکٹ دی جارہی ہے۔

سمن کے اس بیان پر مداخلت کرتے ہوئے پٹن پنچایت کے سابق صدر پھنی راج ہیدلگی نے کہا کہ آپ ’میاں بیوی‘ کا نام کیوں لے رہی ہو۔ اس وارڈ میں کوئی اور دوسرا امیدوار دستیاب نہیں تھا اس لئے وہاں بیوی کو میدان میں اتارا ہے۔ آپ خواہ مخواہ کی باتیں مت کرو۔اسی کے ساتھ دونوں کے بیچ تکرار شروع ہوگئی۔اس دوران اننت کمار اور تعلقہ صدر نے آپس میں الجھنے والوں کو سمجھانے اور خاموش کرنے کی کوشش کی، مگر وہ کامیاب نہیں ہوسکے تو اننت کمار میٹنگ چھوڑ کر وہاں سے روانہ ہوگئے۔

ایک نظر اس پر بھی

بنٹوال میں ایمبولینس اور ٹرک کا تصادم۔ 1خاتون ہلاک، 4زخمی    

نیرلکٹے کے پاس پیش آنے والے ٹرک اور ایمبولینس کے تصادم میں ایک خاتون موقع پر ہی ہلاک ہوگئے جبکہ ایمبولینس میں موجود مریض سمیت دیگر 4افراد زخمی ہوگئے ہیں، جنہیں علاج کے لئے پتور کے سرکاری اسپتال میں داخل کیا گیا ہے۔

کاروار:اپنی نجی خواہشات کے لئے دوسروں پر الزام عائد نہ کریں : وزیر دیش پانڈے کا ہیبار پرپلٹ وار

اغی گروپ میں شامل یلاپور کے رکن اسمبلی شیورام ہیبار نےاپنے فیس بک پیج پر ضلع نگراں کار وزیر آر وی دیش پانڈے کے خلاف لگائے گئے الزاما ت کا وزیر دیش پانڈے نے بھی فیس بک پر  ہی  کچھ اس طرح جواب دیا ہے۔ ’ہیبار اپنے نجی اور انفرادی فیصلوں اور خواہشات کے لئے خود ذمہ دار ہیں ، اس ...

اڈپی ضلع پولیس نے کروائی گائیں چرانے کے معاملات میں ملوث157 افرادکی پریڈ۔ شہر بدرکرنے اور غنڈہ ایکٹ لاگو کرنے کی دی گئی وارننگ

اڈپی ضلع میں پولیس نے گائیں چرانے کے معاملات میں شامل رہنے والے افراد کو مختلف مقامات پر طلب کرکے ان کی اجتماعی پریڈ کروائی اور انہیں تنبیہ کرتے ہوئے کہا کہ آئندہ اس طرح کی وارداتوں میں اگر وہ ملوث ہونگے تو پھر ان کے خلاف شہر بدر کرنے یا پھر غنڈہ ایکٹ لاگو کرنے جیسے اقدامات کیے ...

کنّور ایئر پورٹ پر 7لاکھ روپے مالیت کی چرس کے ساتھ مسافر گرفتار

کنّور ایئر پورٹ پر سنٹرل انڈسٹریل سیکیوریٹی فورس(سی آئی ایس ایف) کے افسران نے نشے کے لئے استعمال ہونے چرس کے ساتھ دوحہ قطر کے سفر پر روانہ ہونے کی کوشش کرنے والے ایک مسافر کو گرفتار کرلیا ہے اور اس کے قبضے 7لاکھ روپے مالیت کی چرس بر آمد کرلی ہے۔