منڈگوڈ:22؍ جون   (ایس اؤ نیوز)تعلقہ کے ہنوماپور فوریسٹ علاقے میں دو ساگوان کےدرخت کاٹ کر سپلائی کئےجانے والے معاملے میں سواری سمیت ایک ملزم کو گرفتار کرنے کا واقعہ پیش آیا ہے۔ اور ایک ملزم فرار بتایا گیا ہے۔ گرفتار شدہ ملزم کی شناخت ہنوماپور دیہات کے منجوناتھ پدمنا بساپور (28) بتائی گئی ہے۔اور ایک ملزم بسپا رامنا وڈّر فرار بتایاگیا  ہے۔  

گذشتہ ہفتہ ہنوماپور فوریسٹ علاقے میں قیمتی ساگوانی درختوں کو کاٹ کر سپلائی کئےجانےکے متعلق شکایت درج کرلینےکے بعد فوریسٹ افسران جانچ میں جٹےہوئے تھے۔ محکمہ فوریسٹ کا عملہ قریب 75ہزارروپئے مالیت کے ساگوانی لکڑی سمیت ایک ملزم کو گرفتار کیا ہے تو سپلائی کےلئے استعمال کی گئی سواری نمبر کے اے 35ایم /7808کو اپنی تحویل میں لیاہے۔ اور ایک ملزم بسپا رامنا وڈر فرار ہونےکی وجہ سے فوریسٹ عملہ اس کی تلاش میں سرگرداں ہے۔ اے سی ایف والی ایس ایم اور کاتور زون کے فوریسٹ افسر اجئے نائک کی رہنمائی میں سب زون افسر ناگراج کلال، ملن گوڈا پاٹل وغیرہ کارروائی میں شریک تھے۔