نئی دہلی، 16 جولائی(ایس او نیوز/آئی این ایس انڈیا) آپ دہلی سے ممبئی محض 12 گھنٹے میں پہنچ پائیں گے اور یہ خواب سچ ہونے میں زیادہ سے زیادہ تین سال لگنے والا ہے۔مرکزی سڑک نقل وحمل اور ہائی وے وزیر نتن گڈکری نے لوک سبھا اراکین کو یہ یقین دہانی ایوان میں دی۔انہوں نے دہلی ممبئی ایکسپریس وے کے بارے میں تفصیل سے بتاتے ہوئے کہا کہ اس سے دونوں میٹروز کے فاصلے 120 کلومیٹر کم ہو جائے گی۔سڑک وزیر ٹرانسپورٹ نے لوک سبھا میں کہا کہ اس گرین ہائی وے کے 60 فیصد معاہدے مختص کئے جا چکے ہیں، لہذا ڈھائی سے تین سال کے بعد 12 گھنٹوں میں دہلی سے ممبئی جانا ممکن ہو جائے گا۔گڈکری نے بتایاکہ دہلی ممبئی راستے ملک بھر میں تیار کئے جا رہے۔ گرین ایکسپریس ہائی وے نیٹ ورک کا ہی ایک حصہ ہے، یہ گڑگاؤں سے شروع ہوکر سوائی مادھوپور، الور، رتلام، جھابوا، بڑودرا سے ہوکر ممبئی جائے گا۔ انہوں نے بتایا کہ وزارت نے اس پروجیکٹ پر صرف زمین کے حصول میں 16 ہزار کروڑ روپے کی بچت کی ہے۔انہوں نے بتایاکہ اگر دہلی، احمد آباد، بڑودرا سے ممبئی کے موجودہ ہائی وے کے کنارے کنارے گرین ایکسپریس وے بنایا جاتا تو زمین حصول پر 6 کروڑ روپے فی ایکٹر کی شرح سے خرچ کرنا پڑتا، اس لئے ہم نے ہریانہ، راجستھان، مدھیہ پردیش، گجرات اور مہاراشٹر کے پسماندہ علاقوں کا راستہ نکالا، جہاں زمینیں سستے میں مل گئیں۔یہ پہلا گرین ہائی وے ہے جو قبائلی علاقوں سے ہو کر گزر رہا ہے۔