ممبئی کے اصطبلوں کو بیرون شہر منتقل کیا جائے: ہائی کورٹ

Source: S.O. News Service | Published on 8th December 2019, 12:23 PM | ملکی خبریں |

ممبئی،8/دسمبر(ایس او نیوز/یو این آئی)  بمبئی ہائی کورٹ نے اپنے ایک فیصلے میں اشارہ دیا ہے کہ ممبئی کے مضافات جوگیشوری، گورے گاوں، اوشیورہ سمیت دیگر مقامات کے اصطبلوں کے تقریباً 20 ہزار سے زائد جانوروں کو ممبئی سے باہر دہانو علاقے میں واقع جانوروں کے شیڈ میں منتقل کیا جائے کیونکہ ان کی ممبئی میں موجودگی صحت کے لئے خطرہ ہے۔

جسٹس ایس سی دھرم ادھیکاری اور جسٹس ریاض چھاگلا پر مشتمل دو رکنی بنچ نے گزشتہ اپنے فیصلے میں یہ اشارہ دیا کہ اگلے ہفتے پیر کے روز ممبئی ہائی کورٹ اس ضمن میں ایک کمیٹی تشکیل دیے جانے کا حکم صادر کرے گی جو کہ ان جانوروں کو ممبئی سے باہر منتقل کرنے کے اقدامات کرے گی۔

کمیٹی محکمہ محصول کے سکریٹری ، محکمہ جنگلات کے سکریٹری اور محکمہ ڈیری ترقیات کے سکریٹریوں پر مشتمل ہوگی جس میں تھانہ اور پالگھر کے کلکٹروں کو بھی شامل کیا جائے گا۔

ہائی کورٹ 15 برس قبل داخل کی گئی ممبئی ملک پروڈیوسر ایسوسی ایشن اور دیگر کی جانب سے مہاراشٹر پالیوشن کنٹرول بورڈ کے اس حکم کے خلاف دائر شدہ ایک عرضداشت کی سماعت کر رہی تھی جس میں شہر کے اصطبلوں کو بیرون شہر دیہی علاقوں میں منتقل کرنے کا حکم صادر کیا گیا تھا۔

ایک نظر اس پر بھی

سی اے اے کے خلاف تمام اپوزیشن جماعتوں کو ایک پلیٹ فارم پر آنے کی ضرورت: پی چدمبرم

  این پی آر کی موجودہ شکل کو ناقابل قبول بتاتے ہوئے سابق مرکزی وزیر پی چدمبرم نے کہا کہ کانگریس پارٹی اس کو قبول نہیں کرے گی ۔انہوں نے شہریت ترمیمی ایکٹ ،این آر سی اور این پی آر کے خلاف تمام اپوزیشن جماعتوں کو متحد ہوکر اس کی مخالفت کرنی چاہیے۔

دہلی: کانگریس کی 54 امیدواروں کی فہرست جاری

کانگریس نے دہلی کی 70 ارکان پر مشتمل اسمبلی کے انتخابات کےلئے 54 امیدواروں کی پہلی فہرست سنیچر کو جاری کی جس میں سینئر لیڈر کرشنا تیرتھ، راجیش لیلوتیا، ہارون یوسف، ڈاکٹر نریندر ناتھ اور اروند سنگھ لولی سمیت کئی اہم لیڈر شامل ہیں۔ کانگریس انتخابی کمیٹی کے سربراہ مکل واسنک نے ...

کیجریوال نے کروڑوں روپے لیکر ٹکٹ فروخت کیا: آدرش شاستری

سابق وزیر اعظم لال بہادر شاستری کے پوتے اور دوارکا سے عام آدمی پارٹی (عآپ) کے رکن اسمبلی آدرش شاستری نے ہفتہ کے روز وزیر اعلی اروند کیجریوال پر 10 سے 20 کروڑ روپے لیکر دہلی اسمبلی انتخابات کے ٹکٹ فروخت کرنے کا سنگین الزام عائد کیا ہے۔

  اتر پردیش میں 10 آئی پی ایس افسران کے تبادلے

 اتر پردیش حکومت نے سنیچر کو انڈین پولیس سروس (آئی پی ایس) کے دس افسران کا تبادلہ کر دیا۔ سرکاری ذرائع کے مطابق پی اے سی مرادآباد میں ڈپٹی انسپکٹر جنرل آف پولیس ایس سی دوبے کو اعظم گڑھ (رینج) کا ڈپٹی انسپکٹر جنرل آف پولیس بنایا گیا ہے جبکہ اعظم گڑھ کے موجود ڈی آئی جی جے ...

نربھیا کیس: مجرم پون کا دفاع کرنے والے وکیل برے پھنسے، بار کونسل نے بھیجا نوٹس

نربھیا کیس میں قصواروں کے وکیل اے پی سنگھ کو دہلی کی بار کونسل نے نوٹس جاری کیا ہے۔ اتنا ہی نہیں، بار کونسل نے ان سے دو ہفتے کے اندر جواب بھی طلب کیا ہے۔ قابل ذکر ہے کہ ہائی کورٹ نے حال ہی میں دہلی بار کونسل سے اے پی سنگھ کے خلاف کارروائی کرنے کو کہا تھا۔ ساتھ ہی ان کے اوپر 25 ہزار ...

60 کروڑ آدھار نمبر پہلے ہی این پی آرسے جوڑے جا چکے ہیں

اس وقت اس بات کو لے کر تنازعہ چل رہا ہے کہ این پی آر کو آدھار کے ساتھ جوڑا جائے گا یا نہیں۔ کئی میڈیا رپورٹس میں یہ بتایا گیا ہے کہ این پی آر کو آدھار نمبر کے ساتھ جوڑا جائے گا۔ لیکن وزارت داخلہ کا یہ کہنا ہے کہ کسی بھی شخص کو کوئی بھی دستاویز دینے کو مجبور نہیں کیا جائے گا۔