این سی بی اور ممبئی پولیس نے سمیر وانکھیڈے کے خلاف بدعنوانی کی جانچ شروع کی

Source: S.O. News Service | Published on 27th October 2021, 11:53 PM | ملکی خبریں |

ممبئی،27؍اکتوبر(ایس او نیوز؍ایجنسی) نارکوٹکس کنٹرول بیورو (این سی بی) کی وجلنس ٹیم اور اے سی پی سطح کے ممبئی پولیس افسر نے بدھ کو یہاں این سی بی کے علاقائی ڈائریکٹر سمیر وانکھیڈے کے خلاف ’جبراً وصولی‘ کے الزامات اور دیگر ایشوز کی آزادانہ جانچ شروع کی ہے۔ این سی بی کی ٹیم بدھ کی دوپہر ممبئی پہنچی اور بتایا جا رہا ہے کہ اس نے جانچ کے لیے آزاد گواہ پربھاکر سیل کے طلب کرنے کے علاوہ وانکھیڈے کا بیان بھی درج کیا ہے۔

وانکھیڈے کے خلاف ممبئی کے الگ الگ تھانوں میں درج کم از کم چار شکایتیں اب اے سی پی سنبھالیں گے، جو معاملے کی جانچ کرنے کے ساتھ ہی رپورٹ تیار کریں گے۔ این سی بی وجلنس ٹیم کے رکن گیانیشور سنگھ نے میڈیا اہلکاروں سے کہا کہ ’’ہم نے جانچ شروع کر دی ہے۔ یہ ایک بہت ہی حساس جانچ ہے، کچھ بھی بتانا جلد بازی ہوگی۔ ہم سبھی پہلوؤں کی جانچ کریں گے اور بعد میں میڈیا کو اس تعلق سے جانکاری دیں گے۔‘‘

وانکھیڈے کے خلاف دو آزادانہ جانچ چلیں گی۔ ان پر گزشتہ تین ہفتوں کے دوران نیشنلسٹ کانگریس پارٹی کے وزیر نواب ملک کے ذریعہ کئی سنگین الزامات لگائے گئے ہیں جب کہ 23 اکتوبر کے سیل کے حلف نامے میں بھی وانکھیڈے کے خلاف کئی الزامات لگائے گئے ہیں۔

دیگر باتوں کے علاوہ سیل نے دعویٰ کیا تھا کہ ایک دیگر این سی بی آزاد گواہ مبینہ طور پر بالی ووڈ اداکار شاہ رخ خان سے 18 کروڑ روپے نکالنے کے لیے ایک ذریعہ کی شکل میں کام کر رہا تھا، جس میں سے 8 کروڑ روپے مبینہ طور پر وانکھیڈے کے لیے تھے۔ الزام کے مطابق یہ وصولی شاہ رخ کے بیٹے آرین خان کو چھوڑنے کی عوض میں کی جانی تھی۔ ممبئی میں این سی بی افسر کے خلاف الگ الگ معاملوں میں کم از کم 4 مختلف شکایتیں درج کی گئی ہیں، جس کی جانچ اے سی پی سطح کے افسر کریں گے۔

ایک نظر اس پر بھی

ملک میں ویکسین لینے والوں کی تعداد 129 کروڑ 54 لاکھ سے متجاوز

ملک میں گزشتہ 24 گھنٹوں کے دوران کووڈ سے متاثرہ مریضوں کی تعداد کل کے مقابلہ آج بڑھ کر 8439 ہو گئی ہے جبکہ کل اسی مدت میں یہ تعداد 6822 تھی۔ صحت اور خاندانی بہبود کی مرکزی وزارت نے بدھ کو یہاں بتایا کہ گزشتہ 24 گھنٹوں میں کووڈ-19 کے 8439 نئے کیسز رپورٹ ہوئے ہیں۔

مودی حکومت کا تکبر اور دوستوں سے محبت، ہندوستان میں مسائل کے ذمہ دار: راہل گاندھی

پارلیمنٹ میں لگاتار کسانوں اور عوام کے حق میں آواز اٹھا رہے کانگریس کے صدر راہل گاندھی نے حکومت پر حملہ بولتے ہوئے کہا کہ ملک کو مسائل در پیش ہیں اس کی وجہ مودی حکومت کا تکبر اور دوستوں سے محبت ہے۔ خیال رہے کہ راہل گاندھی اکثر وزیر اعظم نریندر مودی پر الزام عائد کرتے ہیں کہ وہ ...

مدھیہ پردیش کے مشنری اسکول میں توڑ پھوڑ معاملے میں 11 گرفتار

بجرنگ دل، وشو ہندو پریشد سمیت دیگر انتہا پسند ہندو تنظیموں نے مدھیہ پردیش کے شہر ودیشا کے سینٹ جوزف کانوینٹ اسکول میں توڑ پھوڑ کی مشنری اسکول میں مبینہ طور پر تبدیلی مذہب کے معاملے میں پولیس نے 11 ملزمان کو گرفتار کیا ہے،

کانگریس پارلیمانی کمیٹی اجلاس: سونیا گاندھی مودی حکومت پر برہم، ’ارکان پارلیمنٹ کی معطلی غیرمعمولی اور ناقابل قبول‘

پارلیمنٹ کے مرکزی ہال میں کانگریس پارلیمانی کمیٹی کا اجلاس منعقد ہوا۔ اس اجلاس میں کانگریس کی موجودہ صدر سونیا گاندھی، سابق صدر راہل گاندھی سمیت پارٹی کے دیگر ارکان پارلیمنٹ شامل ہوئے۔ اجلاس کے دوران شہید کسانوں، حزب اختلاف کے ارکان پارلیمنٹ کی معطلی اور مہنگائی جیسے مسائل ...