آئی پی ایل 2021 : پولارڈ کی دھماکہ دار اننگز سے ممبئی انڈینس نے چنئی سپرکنگس کو دی شکست

Source: S.O. News Service | Published on 2nd May 2021, 4:47 PM | اسپورٹس | ان خبروں کو پڑھنا مت بھولئے |

نئی دہلی ، 2/مئی (ایس او نیوز/ایجنسی)  جارح بلے باز کیرون پولارڈ نے ناٹ آؤٹ 87 رن کی زبردست اننگز کھیل کر ممبئی انڈینس کے چنئی سپر کنگس کےخلاف سنیچر کو یہاں ارون جیٹلی اسٹیڈیم میں کھیلے گئے آئی پی ایل مقابلے میں آخری گیند پر چار وکٹ سے دلچسپ جیت دلادی ۔ چنئی نے اوپنر فاف ڈو پلیسس (50) ، معین علی (58) اور امباتی رائیڈو (ناٹ آؤٹ) کی بہترین نصف سنچریوں کی بدولت 20 اوورز میں چار وکٹوں پر 218 رنز کا مشکل اسکور بنالیا ، لیکن پولارڈ نے 34 گیندوں پر چھ چوکوں اور 8 چھکوں کی مدد سے ناٹ آؤٹ 87 رن بناکر ممبئی کو جیت دلادی ۔ ممبئی نے 20 اوور میں 9 وکٹ پر 219 رن بناکر جیت اپنے نام کی ۔ پولارڈ کو ان کی اس میچ فاتح اننگز کے لئے پلیئر آف دی میچ کا ایوارڈ دیا گیا۔

ایک بڑے ہدف کے تعاقب میں ، کپتان روہت شرما اور کوئٹن ڈی کوک 71 رنز کے عمدہ آغاز کیا۔ روہت کو شاردل ٹھاکر نے رتوراج گائکواڈ کے ہاتھوں کیچ آؤٹ کرایا۔ روہت نے 24 گیندوں پر 35 رنز میں چار چوکے اور ایک چھکا لگایا ۔ سوریہ کمار یادو نے تین رنز بنائے اور رویندر جڈیجہ کی گیند پر وکٹ کیپر مہندر سنگھ دھونی کے ہاتھوں کیچ آؤٹ ہوئے ۔ ڈی کوک نے 28 گیندوں پر چار چوکوں اور ایک چھکے کی مدد سے 34 رنز بنانے کے بعد آف اسپنر معین علی کو ریٹرن ی کیچ دے بیٹھے۔

81 کے اسکور پر تین وکٹیں گرنے کے بعد کیرون پولارڈ اور کرونال پانڈیا نے چنئی کی بولنگ پر جوابی حملے کئے اور چار چھکے کی جھڑی لگادی۔ پولارڈ نے اپنی نصف سنچری صرف 17 گیندوں پر مکمل کی اور سیزن کی تیز ترین نصف سنچری بنانے کا ریکارڈ قائم کیا۔ پولارڈ نے اس عرصے میں چھ فلک بوس چھکے مارے۔ چنئی کی چوتھی کامیابی ٹیم کے اسکور 170 پر ہوئی جب سیم کیرن نے کرونال پانڈیا کو ایل بی ڈبلیو کردیا۔ کرونال نے 23 گیندوں پر 32 رنز میں دو چوکے اور دو چھکے لگائے۔

پولارڈ نے 18 ویں اوور میں شاردل ٹھاکر کی گیند پر سیدھا چھکا لگایا اور اگلی ہی گیند پر ایک چوکا لگایا۔ اس اوور کی پانچویں گیند پر فاف ڈو پلیس نے پولارڈ کا آسان کیچ چھوڑ دیا۔ ہاردک پانڈیا نے کیرن کے 19 ویں اوور کی پہلی دو گیندوں پر دو چھکے لگائے۔ اس اوور کی چوتھی بال پر پانڈیا کو فاف ڈو پلیسی نے کیچ دے دیا۔ ہاردک نے سات گیندوں پر 16 رنز میں دو چھکے لگائے۔ کیرن کے اس اوور کی آخری گیند پر جمی نیشم کو باؤنڈری کے قریب ٹھاکر سےکیچ کرایا۔

ممبئی کو اب آخری چھ گیندوں پر جیت کے لئے 16 رنز درکار تھے۔ پولارڈ نے لونگی اینگیڈی کی دوسری اور تیسری گیندوں پر دو چوکے لگائے۔ پولارڈ نے چوتھی گیند پر کوئی سنگل نہیں لیا لیکن پانچویں گیند پر چھکا مارا اور آخری گیند سے دو رنز بنائے اور ممبئی کو فتح دلادی۔

اس سے قبل ممبئی نے ٹاس جیت کر پہلے فیلڈنگ کا فیصلہ کیا۔ رتوراج گائکواڑ نے ٹرینٹ بولٹ کی پہلی ہی گیند پر ایک چوکا لگایا لیکن اسی ہی اوور چوتھی گیند پر ہاردک پانڈیا کو کیچ دے بیٹھے۔ لیکن اس کے بعد ڈو پلیسیس اور معین علی نے دوسرے وکٹ کے لئے 108 رن کی شاندار شراکت داری کی۔ علی نے اس دوران میں کچھ عمدہ چھکے لگائے۔ ڈو پلیس نے بھی چوکوں اور چھکوں لگانے میں کوئی کسر نہیں چھوڑی۔

معین علی نے 36 گیندوں پر 58 رن پر پانچ چوکے اور پانچ چھکے لگائے جبکہ ڈو پلیسیس نے 28 گیندوں میں 50 رن پر 2 چوکے اور چار چھکے لگائے۔ معین علی نے جسپریت بمراہ کی گیند پر وکٹ کیپر کوئٹن ڈی کاک کو کیچ دیا ، جبکہ کیرن پولارڈ نے اگلے ہی اوور میں لگاتار گیندوں پر ڈو پلیس اور سریش رائنا کو آؤٹ کیا۔ اپنا 200 واں آئی پی ایل میچ کھیلنے والے رینا اس کا کوئی فائدہ اٹھانے سے قاصر رہے اور چار گیندوں پر دو رن بنا کر آؤٹ ہوگئے۔

چنئی نے 112 سے 116 رنز تک تین وکٹیں گنوا ئے۔ لیکن اس کے بعد امباتی رائیڈو نے منفرد انداز میں بیٹنگ کی اور چار چوکوں اور سات چھکوں کی مدد سے صرف 27 گیندوں پر ناٹ آؤٹ 72 رن بنائے۔ رائیڈو کو رویندر جڈیجہ کا بہترین ملا ، جنہوں نے 22 گیندوں پر دو چوکوں کی مدد سے 22 رنز بنائے۔ رائیڈو اور جڈیجہ نے پانچویں وکٹ کی ناٹ آؤٹ شراکت داری میں 102 رنز کا اضافہ کرکے چنئی کو 218 رنز تک پہنچایا۔

بمراہ نے چار اوورز میں سب سے زیادہ 56 رن دیکر ایک وکٹ حاصل کیا۔ دَھوَل کلکرنی نے چار اوورز میں 48 رنز اور ٹرینٹ بولٹ نے چار اوورز میں 42 رن دے کر ایک وکٹ حاصل کیا۔ کیرن پولارڈ نے دو اوور میں 12 رن دے کر دو وکٹ حاصل کئے۔

ایک نظر اس پر بھی

ٹی-20 ورلڈ کپ: پاکستان نے ہندوستان کو 10 وکٹوں سے شکست دی

پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ ...

ٹی۔ 20 ورلڈ کپ: جنوبی افریقہ کو پانچ وکٹوں سے شکست دے کر آسٹریلیا کا فاتحانہ آغاز

آسٹریلیا نے ہفتہ کے روز اپنے گیندبازوں کی شاندار کارکردگی کی بدولت یہاں ٹی 20 ورلڈ کپ 2021 کے افتتاحی میچ میں جنوبی افریقہ کو پانچ وکٹوں سے شکست دے کر پورے پوائنٹس حاصل کئے۔ آسٹریلیا نےجنوبی افریقہ کو گروپ 1 کے اس مقابلے میں نو وکٹوں پر 118 رن کے معمولی اسکور پر روکنے کے بعد 19.4 اوور ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

منگلورو:  اُروا پولس تھانہ سب انسپکٹر اور ہیڈ کانسٹبل معطل : دستاویزات پر غیر قانونی طور پر دستخط لینے کا الزام

اپنے فرائض کی انجام دہی  کے دوران  کوتاہی برتنے کے الزام میں منگلورو سٹی پولس کمشنر این ششی کمار نے اُروا پولس تھانے کی  سب انسپکٹر شری کلا اور ہیڈ کانسٹبل پرمود کو معطل کردیا ہے۔

شاہ رخ خان بی جے پی میں شامل ہو تے ہی منشیات چینی بن جائے گی .این سی پی نےبی جے پی پرسادھا نشانہ،پوچھا ؛ گجرات بندرگاہ کے ڈرگس پرکیا کارروائی ہوئی؟

منشیات کے الزام میں جیل میں بند شاہ رُخ خان کے بیٹے آرین خان کے معاملے کو لے کر مہاراشٹرا کے وزیر چھگن بھجبل نے  بی جے پی پرسخت وار  کرتے ہوئے کہا کہ   اگر مشہور اداکار شاہ رُخ خان  زعفرانی پارٹی میں شامل ہو جاتے ہیں  تو منشیات چینی بن جائے گی۔

انکولہ : ہندوشمشان بھومی اتی کرم معاملہ کو لے کرمکینوں نے کیا احتجاج، کہا؛ مکینوں کو نکالا گیاتو کرلیں گے خودکشی

نکولہ میونسپالٹی حدود کی  شمشان زمین پر اتی کرم معاملےمیں نوٹس جاری کئے جانےکی سخت مذمت کرتےہوئے کوٹے واڑا کے مکینوں نے سنیچر کی شام اچانک احتجاجی دھرنا پر بیٹھ گئے اور اتی کرم کے نام پر  گھروں کو ڈھانےکی کوشش کرنے پر خود کشی کرلینےکا انتباہ  دے دیا۔