آئی پی ایل 2019: پہلے کوالیفائرمیں ممبئی نےچنئی کو ہرایا، پانچویں بارفائنل میں بنائی جگہ

Source: S.O. News Service | By Shahid Mukhtesar | Published on 8th May 2019, 5:38 PM | اسپورٹس |

چنئی،8؍مئی (ایس او نیوز؍ایجنسی) ممبئی انڈینس نے آئی پی ایل کے پہلے کوالیفائرمیں چنئی سپرکنگس کو 6 وکٹ سے شکست دے کرفائنل میں جگہ بنا لی ہے۔ 132 رنوں کے ہدف کو ممبئی انڈینس کی ٹیم نے 18.3 اوورمیں حاصل کرلیا۔ ممبئی کی جیت میں سوریہ کماریادو نے 54 گیندوں میں ناٹ آوٹ 71 رن بنائے۔ ممبئی انڈینس نے پانچویں بارفائنل میں جگہ بنائی ہے۔

وہیں چنئی سپرکنگس کے پاس اب بھی فائنل میں پہنچنے کا موقع ہے۔ وہ پہل الیمنیٹرمیں دہلی کیپٹلس اورسن رائزرس حیدرآباد کے درمیان جیتنے والی ٹیم سے مدمقابل ہوگی۔ اس سے قبل آئی پی ایل 12 کے کوالیفائرایک میں چنئی سپرکنگس نے ٹاس جیت کرپہلے بلے بازی کرنے کا فیصلہ کیا اور20 اوورمیں 4 وکٹ پر131 رن بنائے۔ چنئی کے لئے رائیڈو نے 37 گیندوں میں 42 رن بنائے۔ دھونی نے بھی 29 گیندوں میں ناٹ آوٹ 37 رنوں کی اننگ کھیلی۔ ممبئی انڈینس کے لئے اسپنرراہل چہرنے زبردست گیند بازی کرتے ہوئے 4 اوورمیں 14 رن دے کردو وکٹ حاصل کئے۔ 

ممبئی انڈینس کی جیت: میزبان چنئی سپرکنگس کے 132 رنوں کے چیلنج کا جواب دینے اتری ممبئی نے 3.2 اووروں میں 21 رنوں کے اندرہی کپتان روہت شرما (4) اورکونٹن ڈی کاک (8) کا وکٹ گنوا دیا۔ روہت کو دیپک چہرنے جبکہ ڈی کاک کو ہربھجن سنگھ نے آوٹ کیا۔ اس کے بعد سوریہ کماراورایشان کشن (28) نے تیسرے وکٹ کے لئے 80 رنوں کی شراکت کرکے ممبئی کو بہترحالات میں پہنچا دیا۔ طویل ہوتی جارہی اس شراکت کو عمران طاہرنےایشان کشن کوبولڈ کرکے توڑا۔

 

ایشان کشن نے 31 گیندوں کی اننگ میں ایک چوکا اورایک چھکا لگایا۔ عمران طاہرنے اسی اوورمیں کنال پانڈیا کو (صفر) پرآوٹ کرکے ممبئی کو مسلسل دو جھٹکے دیئے۔ عمران نے اسی کے ساتھ ٹی -20 کیریئرمیں اپنے 300 وکٹ بھی پورے کرلئے۔ ممبئی کو آخری 24 گیندوں پرجیت کے لئے 16 رن بنانے تھے اورٹیم نے 9 گیند پہلے ہی ہدف حاصل کرلیا۔

ایک نظر اس پر بھی

بنگلورومیں چناسوامی اسٹیڈیم ڈے نائٹ کرکٹ میچ، ٹرافک نظام میں تبدیلی

بروز اتوار آج بنگلورمیں چناسوامی کرکٹ اسٹڈیم میں کھیلے جارہے ہند آسٹریلیا ڈے اینڈ نائٹ کرکٹ میچ کے پیش نظر کرکٹ اسٹڈیم کے اطراف پارکنگ نظام میں پولس نے چند تبدیلیاں کی ہیں اور میچ کے لئے آنے والوں کی گاڑیوں کی پارکنگ کے لئے مختلف مقامات پر پارکنگ کی سہولت فراہم کی-

ہندوستان نے آسٹریلیاکو دوسرے میچ میں 36 رنوں شکت دیدی

سلامی بلے باز شیکھر دھون (96) ، کپتان وراٹ کوہلی (78) اور لوکیش راہل (80) کی شاندار نصف سنچریوں کے بعد گیند بازوں کی عمدہ کاکردگی کی بدولت ہندوستان نے آسٹریلیا کو تین ون ڈے میچوں کی سیریز کے دوسرے میچ میں راجکوٹ میں شکت دیدی ہے ۔

آسٹریلیا نے ہندوستان کو 10وکٹ سے شکست دی،ڈیوڈ وارنراور اورن فنچ کی زبردست سنچریوں

سلامی بلے باز ڈیوڈ وارنر(ناٹ آؤٹ 128) اور اورن فنچ (ناٹ آؤٹ 110) کی زبردست سنچریوں اور ان کے درمیان 258 رنوں کی شاندار شراکت کی بنیاد پر آسٹریلیا نے ہندوستان کو پہلے یک روزہ میچ میں منگل کے روز 10 وکٹ سے زبردست شکست دی۔