ممبئی کی عدالت نے سنجے راؤت کی ای ڈی ریمانڈ میں کی 8 اگست تک توسیع

Source: S.O. News Service | Published on 4th August 2022, 8:11 PM | ملکی خبریں |

ممبئی،4؍اگست (ایس او نیوز؍ایجنسی) ممبئی کی ایک خصوصی عدالت نے جمعرات کو شیوسینا کے رکن پارلیمنٹ سنجے راوت کی انفورسمنٹ ڈائریکٹوریٹ (ای ڈی) کی تحویل میں 8 اگست تک چار دن کی توسیع کر دی۔ قبل ازیں، مبینہ منی لانڈرنگ کیس میں پیر کو علی الصبح گرفتار کئے گئے سنجے راؤت کو خصوصی پی ایم ایل اے عدالت میں پیش کیا گیا تھا، جہاں سے انہیں 4 اگست تک ای ڈی کی تحویل میں بھیجا گیا تھا۔

ای ڈی نے راؤت کی تحویل میں 10 اگست تک توسیع کی درخواست کی تھی۔ اس کا کہنا تھا کہ اسے کچھ دستاویزات موصول ہوئے ہیں اور وہ اس معاملے میں دیگر ملزمان کی جانچ کے علاوہ متعلقہ معاملات کی جانچ کرنا چاہتی ہے۔

سماعت کے دوران راؤت اور ان کے وکیل اشوک مندرگی نے خصوصی جج ایم جی دیش پانڈے کو جیل کے سیل میں وینٹیلیشن کی کمی کے بارے میں بتایا لیکن ای ڈی کے وکلا نے ان الزامات کو مسترد کرتے ہوئے کہا کہ انہیں ایئرکنڈیشنڈ سیل میں رکھا گیا ہے۔

غور طلب ہے کہ ای ڈی نے اتوار کی صبح بھنڈوپ میں راؤت کی رہائش گاہ پر چھاپہ مارا تھا۔ اس کے بعد ایجنسی کے دفتر میں مزید پوچھ گچھ کے لیے حراست میں لیے جانے سے پہلے تقریباً 10 گھنٹے تک ان کے گھر پر پوچھ گچھ کی گئی اور بالآخر پیر کی آدھی رات کے بعد انہیں گرفتار کر لیا گیا۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...