مہاراشٹر: راج بھون کے باہر کانگریس پارٹی کا احتجاج، پولیس نے متعدد لیڈروں کو حراست میں لیا

Source: S.O. News Service | Published on 5th August 2022, 8:09 PM | ملکی خبریں |

ممبئی،5؍اگست (ایس او نیوز؍ایجنسی) مہنگائی اور بے روزگاری کے مسئلہ پر جمعہ کے روز ممبئی واقع راج بھون کے باہر احتجاج کرنے کی کوشش کرنے والے کانگریس لیڈروں اور کارکنوں کو حراست میں لے لیا گیا۔ کانگریس کے ریاستی صدر نانا پٹولے اور پارٹی کے ممبئی سربراہ بھائی جگتاپ کی قیادت میں سینکڑوں لیڈروں اور کارکنوں نے بینرز اور پوسٹر اٹھا کر حکومت مخالف نعرے لگائے۔ تاہم، مالابار ہل میں گورنر کی رہائش گاہ کی طرف مارچ کرتے ہوئے انہیں نریمان پوائنٹ پر اسمبلی کے قریب ایک بڑی پولیس فورس نے روک لیا۔

نانا پٹولے نے کہا، "ہم پرامن اور جمہوری طریقے سے احتجاج کر رہے ہیں اور بھارتیہ جنتا پارٹی کی قیادت والی مرکزی حکومت کے خلاف اپنا احتجاج درج کرانے راج بھون جا رہے تھے۔ آسمان چھوتی مہنگائی، جی ایس ٹی (گڈز اینڈ سروسز ٹیکس) اور نوجوانوں میں بے روزگاری کی وجہ سبب متاثرین کی تعداد بڑھ رہی ہے۔

پٹولے اور جگتاپ کے علاوہ کانگریس مقننہ کے سربراہ بالا صاحب تھوراٹ، سابق وزیر اعلیٰ اشوک چوہان، چندرکانت ہنڈور، ورشا گائیکواڑ جیسے پارٹی لیڈروں کو حراست میں لے لیا گیا۔ اس کے بعد انہیں ایک پولیس وین میں بٹھا کر مقامی پولیس اسٹیشن بھیج دیا گیا۔

پولیس کی کارروائی پر تنقید کرتے ہوئے تھوراٹ نے کہا کہ جمہوریت میں ’ہمیں احتجاج کرنے کا حق ہے‘ لیکن موجودہ بی جے پی حکومت ’ہمیں خاموش کرنے کی کوشش کر رہی ہے۔‘

تھوراٹ نے خبردار کرتے ہوئے کہا ’’آزادی سے پہلے بھی ہمیں احتجاج کا حق تھا اور ہم عام لوگوں کی مشکلات کے خلاف آواز اٹھانا جاری رکھیں گے۔"

پولیس نے مہاراشٹر کے دیگر بڑے شہروں میں مظاہروں کے علاوہ ملک گیر احتجاج میں شامل کانگریس کے جھنڈے والی گاڑیوں اور ممبئی اور ریاست کے مختلف حصوں سے راج بھون پہنچنے کی کوشش کرنے والوں کو بھی روک دیا ہے۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...