نئی دہلی، 19 جون(ایس او نیوز/آئی این ایس انڈیا) دہلی کے مکھرجی نگر میں ٹیکسی ڈرائیور باپ بیٹے کی پٹائی کے معاملے میں عام آدمی پارٹی کے ممبر اسمبلی جرنیل سنگھ نے مرکزی وزیر داخلہ امت شاہ کو خط لکھا ہے۔جرنیل سنگھ نے سربجیت سنگھ کے خلاف ایف آئی آر کی مخالفت کی۔انہوں نے کہا کہ سربجیت پر مقدمہ درج نہیں ہونا چاہئے۔پولیس والوں کو جلدی غصہ آتا ہے، انہیں ٹریننگ کی ضرورت ہے۔جرنیل سنگھ نے منجدر سنگھ سرسا کی پولیس کمشنر سے ملاقات پر بھی سوال اٹھائے ہیں۔واقعہ کے ایک دن بعد پیر کو تلک نگر سے رکن اسمبلی جرنیل سنگھ نے وزیر اعلی اروندکجریوال کے ساتھ شکار سربجیت سنگھ سے ملنے گئے تھے۔جرنیل سنگھ نے اس ملاقات کے بعد کہا تھا کہ ایک آدمی کو 10 پولیس اہلکار ایک ساتھ مار رہے تھے۔3 پولیس اہلکاروں کو معطل کرنا کوئی کارروائی نہیں ہے،تھوڑے دن بعد سب ختم ہو جائے گا،ملک کی دارالحکومت میں ایسا جرم چل رہی ہے، وہ بھی پولیس ایسے مارپیٹ کر رہی ہے۔پولیس اور آٹو ڈرائیور کے درمیان مارپیٹ کا ویڈیو وائرل ہوا تھا۔اس میں سکھ آٹو ڈرائیور کے ساتھ پولیس اہلکار مارپیٹ کرتے نظر آ رہے تھے،معاملہ مکھرجی نگر تھانے کا تھا۔ویڈیو وائرل ہونے کے بعد مکھرجی نگر تھانے کے باہر جمع ہو گئے اور ملزم پولیس اہلکاروں کے خلاف کارروائی کا مطالبہ کرنے لگے۔فی الحال اس معاملے میں کارروائی کرتے ہوئے تین پولیس اہلکاروں کو معطل کر دیا گیا ہے۔یہ پورا معاملہ تحقیقات کے لئے کرائم برانچ کو سونپ دیا گیا ہے۔