مفتی تقی عثمانی پرقاتلانہ حملہ شرمناک، دہشت گردی انتہائی مذم عمل اوربزدلانہ حرکت 

Source: S.O. News Service | By Jafar Sadique Nooruddin | Published on 24th March 2019, 2:14 AM | ملکی خبریں | عالمی خبریں |

نئی دہلی:23 /مارچ(ایس اونیوز /آئی این ایس انڈیا)  پاکستان کے معروف عالم دین اور نامور محقق مولانا مفتی تقی عثمانی پر ہوئے قاتلانہ حملہ کی سخت مذمت کرتے ہوئے معروف دانشور ڈاکٹر محمد منظورعالم نے کہاکہ یہ حملہ دہشت گردی اور بزدلانہ حرکت ہے جس کی کسی بھی سماج میں کوئی گنجائش نہیں ہے اور ایسے عناصر کے خلاف سخت کاروئی ضروری ہے تاکہ دوبارہ کوئی او راس طرح کی دہشت گردی کرنے کے بارے میں نہ سوچ سکے ۔ڈاکٹر محمد منظور عالم نے مفتی تقی عثمانی کی ذات پر ہوئے شدید قاتلانہ حملہ کو شرمناک بتاتے ہوئے کہاکہ گذشتہ ایک ہفتہ کے دوران نیوز ی لینڈ ،برطانیہ اور پاکستان میں دہشت گردانہ واقعہ پیش آچکاہے ۔ اتفاق ہے کہ تینوں جگہ دہشت گردوں نے اہل علم اور مذہب اسلام سے وابستہ لوگوں کو بنایاہے ۔نیوزی لینڈ میں عین نماز کے دوران حملہ کے پچاس مسلمانوں کو شہید کیاگیا ۔ برطانیہ میں شرپسندوں نے پانچ مساجد پر بیک وقت حملہ کیا اور اس کے کچھ ہی گھنٹوں بعد نماز جمعہ کیلئے جارہے مفتی تقی عثمانی پر حملہ کردیاگیاجس میں ان کے محافظ اور ڈرائیور سمیت تقریبا تین بے گناہوں کے جاں بحق ہونے کی خبر ہے ۔انہوں نے کہاکہ مذہبی مقامات اور مذہبی شخصیات کو نشانہ بنایا جانامحض اتفاق ہے یا اس کے پیچھے کوئی لابی کام کررہی ہے یاکوئی گہری سازش ہے اس کی تحقیق ضروری ہے۔سفیدفام انتہاء پسندوں نے ہمیشہ اسلام کے خلاف ریشہ دوانیاں کی ہے ،اسلام کے بڑھتے قدوم کوروکنے کی کوشش کی ہے حالیہ دنوں میں متعدد مقامات پر حملہ کرکے ایک مرتبہ پھر یہی کوشش کی جارہی ہے اور اس کے پس پردہ یہی ایجنڈہ مضمر ہے کہ سفید فام اقوام پوری دنیا پر اپنی برتری اور بالادستی چاہتی ہے،وہ انسانیت پرعمل کرنے کے بجائے انسانوں کے درمیان تفریق پیداکرنے کے اصول پر گامزن ہے ۔انسانوں کے درمیان مساوات،عدل وانصاف اور انسانی جانوں کا تحفظ اسے منظور اور پسند نہیں ہے ۔ڈاکٹر محمد منظور عالم نے اس موقع پر نیوزی لینڈ کی وزیر اعظم کی تعریف کرتے ہوئے کہاکہ ایک طرف محترمہ جینسڈا ہیں جنہوں نے عالمی رہنماؤں کیلئے اقلیت نوازی اورانسانیت کی ایک نظیر پیش کی ہے جسے پوری دنیا کے سربراہان مملکت کو اپنا نا چاہیے تو دوسری طرف سفید فام اقوام مسلمانوں کے خلاف تعصب اور عداوت میں دہشت گردی کی تمام حدیں پارکرچکی ہے ۔ڈاکٹر محمد منظور عالم نے اپنے بیان میں کہاکہ دہشت گردی ناسور اور سماج کیلئے زہر قاتل ہے ۔اس کا مکمل خاتمہ اور اس میں ملوث افراد کے خلاف ٹھوس اور سخت کاروائی ضروری ہے ۔

ایک نظر اس پر بھی

لوک سبھا انتخابات کا تیسرا مرحلہ؛ 117 لوک سبھا سیٹوں کے لیے جاری ہے پولنگ؛ یوگی کے وزیر سوامی پرساد موریہ کے گھر پر چھاپہ (پل پل کی آپڈیٹس)

لوک سبھا انتخابات کے تیسرے مرحلے کے انتخابا ت 15 ریاستوں کی  کل 117 سیٹوں پر  جاری ہیں مگر اس دوران سماجی وادی پارٹی کے سربراہ اکھلیش یادو نے  الزام لگایا ہے کہ  الیکٹرانک ووٹنگ مشینوں پر کسی کو بھی ووٹ ڈالنے پر  بی جے پی کو ووٹ جارہے ہیں، اسی طرح کا الزام کیرالہ کے کانگریسی لیڈر ...

اتحاد کے حق میں ووٹوں کی ہو رہی بارش: اکھلیش یادو

سماجوادی پارٹی (ایس پی) سربراہ اکھلیش یادو نے دعوی کیا ہے کہ مودی حکومت کی پالیسیوں سے ناراض رائے دہندگان نئے ہندوستان اور نئے وزیر اعظم کی آس میں اتحاد کے حق میں ووٹوں کی برسات کرر ہے ہیں۔

سری لنکا بم دھماکوں سے دہل گیا ؛ تین ہندوستانیوں کے بشمول 215 افراد ہلاک، 400 سے زائد زخمی

سری لنکا میں عیسائیوں کے بڑے تہوار ایسٹر کے موقع پر  ہوئے آٹھ بم دھماکوں میں 215 لوگ ہلاک ہوگئے ہیں جبکہ چار سو سےزائد افراد زخمی ہوئے ہیں۔ میڈیا  رپورٹوں کے مطابق  عین تہوار کے موقع پر  تین  گرجا گھروں اور 3 ہوٹلوں میں دھماکے کئے گئے ہیں   جس کے بعد   ملک بھر میں کرفیو نافذ ...

ایس بی آئی برطانیہ میں قانونی جنگ میں ٹیکس دہندگان کا پیسہ برباد کر رہا ہے : مالیا 

مسائل میں گھرے شراب کاروباری وجے مالیا نے ایک بار پھر سے قرض لوٹانے کی پیشکش اپنی بات دہرانے کے لئے سوشل میڈیا کا سہارا لیا ہے۔ انہوں نے SBI پر بھارتی ٹیکس دہندگان کا پیسہ برطانیہ میں مقدمے پر برباد کرنے کا الزام لگایا۔ برطانیہ کے ہائی کورٹ نے 63 سالہ مالیا کے لندن کے بینک اکاؤنٹ ...

تھائی لینڈ میں نوجوان جرمن خاتون سیاح کا ریپ کے بعد قتل

تھائی لینڈ میں جرمنی سے تعلق رکھنے والی ایک نوجوان خاتون سیاح کو ریپ کے بعد قتل کر دیا گیا۔ تھائی پولیس نے ایک مبینہ ملزم کو گرفتار کر لیا ہے، جس نے اس چھبیس سالہ سیاح کو ریپ کے بعد قتل کرنے کا اعتراف بھی کر لیا ہے۔تھائی لینڈ کے دارالحکومت بنکاک سے پیر آٹھ اپریل کو ملنے والی جرمن ...

جنگ مسلط کردہ یمن میں ہیضہ کی وبا، ویکسین رسائی کی منتظر

جنگ زدہ ملک یمن میں ہیضے کی ہلاکت خیز وبا کئی ملین افراد کو متاثر کر چکی ہے لیکن اقوام متحدہ کے اہلکاروں کو اب تک ادویات پہنچانے کی اجازت نہیں مل پائی۔یمن میں لاکھوں افراد ہیضے کے مرض میں مبتلا ہیں اور اب بھی ہر روز ہزاروں نئے کیسز سامنے آ رہے ہیں۔ سن 2017 کے موسم گرما میں اقوام ...