بھاسکر راؤ نے بنگلورو پولیس کا شکریہ ادا کیا
بنگلورو،یکم اگست(ایس اونیوز) کمل پنت کو شہر بنگلور کا نیا پولیس کمشنر مقررکیاگیا ہے۔ سبکدوش ہونے والے پولیس کمشنر بھاسکر راؤ نے وائرلیس کے ذریعہ شہرکی پولیس کا شکریہ ادا کیا کہ ان کی میعاد میں پولیس نے ان کا بھرپور تعاون کیا۔ شہر کی پولیس کو مخاطب کرتے ہوئے انہوں نے کہاکہ شہر میں سی اے اے اور این آر سی کے خلاف مظاہروں کے دوران پولیس کی کارکردگی عمدہ رہی۔ کورونا لاک ڈاؤن اور کورونا پر قابو پانے کے دوران شہر کی پولیس نے راتوں کے اوقات میں بھی اپنا فرض بخوبی نبھایا۔ شہر بنگلور میں نظم وضبط کو نافذ کرنے میں پولیس کا بھرپور تعاون رہا۔ انہوں نے امید ظاہرکی کہ کورونا سے متاثر ہونے والے پولیس جوان اور افسران جلد صحت یاب ہوکر جلد لوٹ آئیں گے اوراپنے بچوں اور کنبہ کے ساتھ خوشیاں منائیں گے۔ اپنی اور اپنے اہل خانہ کی صحت کا خیال رکھنے اپنے پیغام میں پولیس والوں سے کہا ہے۔ انہوں نے مزید کہاکہ شہر کے پولیس کمشنر کی حیثیت سے خدمات انجام دے کر وہ مطمئن ہیں۔ اس میں آپ تمام کے بھرپور تعاون کا میں شکر گزار ہوں۔