کاروار ،27 / نومبر (ایس او نیوز) کینرا رکن پارلیمان وشویشورا ہیگڑے کاگیری نے کاروار سی برڈ منصوبے سے متاثرین کے مسائل حل کرنے کے لئے وزیر دفاع راجناتھ سنگھ سے نئی دہلی میں ملاقات کی اور ان کے سامنے   سی برڈ منصوبے  کے لئے اپنی زمین جائیداد کھونے والوں  کے بقایا معاوضوں کو جلد سے جلد جاری کرنے کا مطالبہ رکھا۔

ایم پی دفتر سے جاری کی گئی پریس ریلیز میں بتایا گیا ہے کہ  وشویشور ہیگڈے کاگیری نے  راجناتھ سنگھ  کو پیش کئے گئے میمورنڈم میں   کہا ہے کہ  کاروار سی برڈ منصوبے کے متاثرین اور مقامی افراد کو روزگار فراہم کرنے میں ترجیح دی جائے  اور سی برڈ بحری اڈے میں ملازمت کے لئے ہونے والے امتحانات کا مرکز کاروار شہر میں قائم کیا جائے ۔ اس کے علاوہ متاثرین کو درپیش دیگر مختلف مسائل کو بھی  جلد حل کرنے کی مانگ رکھی گئی  ہے۔
    
 ریلیز کے  مطابق وزیر دفاع راجناتھ سنگھ  نے متعلقہ افسران کو ان مسائل کے حل کے  لئے اقدامات کرنے کی ہدایات دی ہے اور آنے والے دنوں میں اگر کسی قسم کے مسائل پیدا ہوتے ہیں تو انہیں بر وقت حل کرنے کا تیقن دیا ہے ۔