مورینا میں زہریلی شراب سے 20 ہلاک: وزیراعلی شیوراج نے افسران کی بلائی میٹنگ، کلکٹر اور ایس پی معطل

Source: S.O. News Service | Published on 13th January 2021, 9:51 PM | ملکی خبریں |

مورینا /بھوپال،13جنوری (آئی این ایس انڈیا) ایم پی کے مورینا میں زہریلی شراب پینے کے بعد 20 افراد کی موت ہوگئی، اس کے پیش نظر وزیر اعلی شیوراج سنگھ چوہان نے بدھ کے روزبہ عجلت تمام عہدیداروں کی میٹنگ بلائی ہے۔

مورینا کے کلکٹر انوراگ ورما اور ایس پی انورا گ کو ہٹانے کا حکم دیا گیا ہے۔ایس ڈی او پی کو معطل کیا گیا،خیال رہے کہ 5سال قبل مورینا کے جس گاؤں وسنگ پورہ مان پور میں شراب بندی کا عزم کیا گیا تھا، اسی گاؤں میں زہریلی شراب سے 20/لوگ کی ہلاکت واقع ہوچکی ہے۔

علاوہ ازیں بھوپال سے اے ڈی جی سطح کے افسران تفتیش کے لئے مورینا جائیں گے۔ ہلاک شدگان میں مان پورہ گاؤں کے آٹھ افراد بھی شامل ہیں، ہلاک شدگان میں شراب اسمگلر کا بھائی بھی شامل ہے۔ سماولی کے پہاولی گاؤں کے چار افرادبھی ہلاک ہوئے ہیں۔ ان کے دو حقیقی بھائی بھی شامل ہیں۔ اس معاملہ میں محکمہ آبکاری کے دوانچارج بھی معطل کردیئے گئے ہیں، جن میں ایکسائز آفیسر جاوید خان اور باغ چینی پولیس اسٹیشن انچارج اویناش راٹھور شامل ہیں۔چھیرہ -مان پورہ میں دوکان گمٹیوں میں غیر قانونی شراب فروخت کرنے والے سات اشراب سمگلر مکیش کرار، مانپورہ کے گرراج کرار، اس کا بیٹا راجو کرار، پپو شرما اور اس کا بیٹاکلا شرما، رام ویر راٹھور اور اس کا بیٹا پردیپ راٹھور سمیت متعدد ملزمان کے خلاف قتل عمد سمیت کئے دفعات میں مقدمات درج کیے گئے ہیں۔ پولیس نے 10 سے زائد افراد کو حراست میں لیا ہے۔

گزشتہ حکومت نے شراب کی غیر قانونی تجارت کو روکنے کے لئے نئی شراب پالیسی کے تحت نئی دکانیں کھولنے کے بجائے علاقوں میں ذیلی دکانیں کھولنے کا فیصلہ کیا تھا، لیکن یہ پالیسی غیر قانونی شراب فروخت پر روک لگانے میں مؤثر ثابت نہیں ہوئی۔ چھیرہ- مانپور میں زہریلی شراب کے ہلاکت کا انکشاف اس وقت ہوا جب اتوار کوایک 52 سالہ شخص کی موت ہوگئی،اہل خانہ نے بھی اسے ہارٹ اٹیک ہی سمجھا، اور اس کا انتم سنسکار کر دیا، لیکن پیر کی صبح جب گاؤں کے 28 سے زیادہ افراد کو الٹی اور قے کی شکایت ہوئی، تو گاؤں کے لوگ اسے ڈسٹرکٹ اسپتال لے گئے۔ ان میں سے دو کا علاج سے پہلے ہی انتقال ہوگیا، سات ضلعی اسپتال میں اور تین گوالیار میں فوت ہوئے۔دیہی باشندگان نے پہلے ٹریکٹر سے نعش لے جانے پر اصرار کیا، بعدازاں ایمبولینس سے نعش نکالنے کے بعد مورینا  شاہراہ پر دو گھنٹے سڑک جام کیا۔خیال رہے کہ ریاست میں گذشتہ نو ماہ میں زہریلی شراب کی وجہ سے 38 اموات ہوچکی ہیں۔

ایک نظر اس پر بھی

دہلی میں یوم جمہوریہ کے موقع پر کسانوں کی ٹریکٹر ریلی کے دوران ہنگامہ ؛ پولس لاٹھی چارج، آنسو گیس کے گولے بھی داغے گئے؛ کسانوں نے پولس کی بیریکیڈ توڑ کر داخل ہوگئے دہلی

  کسان تنظیموں کی ٹریکٹر ریلی کے دوران  دہلی میں کئی مقامات پر کسانوں اور پولس کے درمیان جھڑپوں کی خبریں موصول ہوئی ہے۔ میڈیا رپورٹوں کے مطابق  کسانوں نے پولیس بس کو آئی ٹی او پر ہائی جیک کرلیا ہے ، جبکہ ایک کرین بھی چھین لی گئی ہے۔ میڈیا میں آئی خبروں کے مطابق  آئی ٹی او پر ...

بھاجپائیوں کیلئے مشکلیں کھڑی :بھاجپا کے ’جے شری رام‘ کے جواب میں ترنمول کا ’ہرے کرشنا ہرے رام ‘ کا نعرہ

23 جنوری کو سبھاش چندر بوس کی یاد میں منعقدہ تقریب کے دوران جب مغربی بنگال کی وزیراعلیٰ ممتا بنرجی کو اسٹیج پر خطاب کے لئے مدعو کیاگیا ،تو سامعین کی طرف سے ،جن کی اکثریت بھاجپانواز کی تھی، نے ’جے شری رام‘ کا نعرہ لگاکر خطاب میں مخل ہونے کی کوشش کی ۔

مہاراشٹر: آزاد میدان میں کسانوں کی یلغار

مرکزی حکومت کے زرعی قوانین کے خلاف دہلی میں دوماہ سے جاری کسانوں کا احتجاج تاریخ رقم کر رہا ہے- ان قوانین کے خلاف پنجاب و ہریانہ کے کسانوں کے سڑکوں پر اترنے کے بعد سخت سردی میں مودی حکومت نے ان کسانوں پر پانیوں کی بوچھارماری مگر کسان پیچھے نہیں ہٹے-

توپھربابری مسجدکی شہادت کاعدالت میں فخرکے ساتھ اعتراف کیوں نہیں کیا؟ پرکاش جاوڈیکرکے بیان پراویسی کی تنقید، سپریم کورٹ کہہ چکاہے،مندرتوڑنے کاثبوت نہیں

آل انڈیا مجلس اتحاد المسلمین کے سربراہ اسدالدین اویسی نے مرکزی وزیر پرکاش جاوڈیکر کے بابری مسجدکی شہادت کیس کے بارے میں دیئے گئے تبصرہ کو تنقید کا نشانہ بنایا ہے۔

حکومت کسانوں کے مفادات کے تحفظ کیلئےپورے طور سے وقف: صدر رام ناتھ

صدر رام ناتھ کووند نے زرعی شعبہ میں ترقی کے لئے کسانوں، ملک کی سرحدوں کی سلامتی یقینی  بنانے میں کامیاب رہے جوانوں اور کووڈ سے  نمٹنے اور ترقی  کے مختلف شعبوں میں خدمات کے لئے سائنسدانوں کومبارک باد دیتے ہوئے کہا ہے کہ حکومت کسانوں سمیت تمام طبقوں کی فلاح وبہبود کے لئے پوری  ...