کرناٹک میں 8؍جون سے کھلیں گی مساجد، کرناٹک ریاستی اقلیتی کمیشن نے جاری کیں گائیڈ لائن

Source: S.O. News Service | Published on 2nd June 2020, 12:51 PM | ریاستی خبریں |

بنگلورو،2؍جون (ایس او نیوز) کرناٹک میں 8؍ جون سے مساجد کے دروازے عوام کیلئے کھلیں گے۔ 2 ماہ سے زائد عرصہ کے بعد مصلیوں کو مسجد میں داخل ہوکر عبادت کرنے کا موقع ملے گا۔ کورونا وائرس کی خطرناک بیماری نے زندگی کے ہر شعبہ کو متاثر کرتے ہوئے عبادتوں میں بھی خلل پیدا کیا ہے۔مرکزی حکومت سے اجازت ملنے کے بعد کرناٹک کی ریاستی حکومت نے 8 ؍جون سے تمام عبادت گاہوں کو عوام کیلئے کھولنے کا فیصلہ لیاہے۔ حکومت کے اس اعلان کے بعد کرناٹک ریاستی اقلیتی کمیشن نے مسجدوں کیلئے گائڈ لائن جاری کی ہیں۔ جو مندرجہ ذیل ہیں۔ 

امام مصلی جہاں تک ہوسکے  گھروں سے ہی وضو بنا کر مسجد جائیں۔ مسجدوں میں وضو کیلئے حوض کا استعمال ہر گز نہ کیا جائے، حوض کے بجائے نل کا استعمال کیا جائے۔ بیت الخلاء پاک و صاف رکھے جائیں۔مسجد میں داخل ہونے اور باہر نکلنے کیلئے صرف ایک دروازہ کو کھولا جائے۔داخلہ کے وقت ہر مصلی کی تھرمل اسکریننگ کی جائے، تاکہ درجہ حرارت کا پتہ چل سکے۔نماز شروع ہونے سے قبل مسجد کے ہال کو ہر وقت سنیٹائز کیا جائے۔نماز کیلئے بنائی جانے والی صف میں ہر شخص کے درمیان ایک سے دو میٹر کا فاصلہ ہو۔ہر مصلی اپنی اپنی ٹوپی پہن کر مسجد میں داخل ہو، ماسک کے ذریعہ ناک اور منہ کو ڈھک لیں۔

فرض نماز 10 سے 15 منٹ کے وقفہ میں ادا کی جائے۔ اگر مصلیوں کی تعداد زیادہ ہو تو دو مرتبہ جماعت بنائی جائے۔ تمام مصلی سنت اور نفل نمازیں گھروں میں ہی ادا کریں۔ نماز مکمل ہونے کے بعد مصلی  مسجد میں بیٹھنے کا نظم نہ بنائیں۔ جمعہ کی نماز بھی عربی خطبہ کے ساتھ 15 سے 20 منٹ کے وقفہ کے  اندر ادا کی جائے۔مسجد اور درگاہوں کے احاطہ میں فقیروں کو اکٹھا ہونے نہ دیا جائے۔مسجدوں اور درگاہوں میں شیرنی تقسیم کرنے، کھانے پینے کا نظم نہ کیا جائے۔کورونا کی وبا کے پیش نظر درگاہوں میں مزاروں کو بوسہ دینے سے گریز کیاجائے۔کورونا کی وبا ختم ہونے تک لوگ آپس میں مصافحہ کرنے، گلے ملنے سے گریز کریں۔

کرناٹک ریاستی اقلیتی کمیشن کے چیرمین اور سابق پولیس افسر عبدالعظیم نے تحریری طور پر یہ تمام ہدایتیں جاری کی ہیں۔ عبدالعظیم نے کہا کہ کرناٹک اور ملک کی دیگر ریاستوں میں کورونا کے پوزیٹیو کیس بڑھ رہے ہیں۔ ڈاکٹروں کے مطابق کورونا کی وبا طویل عرصے سے تک انسانوں کی زندگی میں رہ سکتی ہے۔ اس لئے لوگ روز مرہ کے کام کاج اور عبادتوں کے موقع پر بھی مکمل طور پر احتیاط برتیں۔اخباری نمائندوں سے بات کرتے ہوئے کرناٹک ریاستی اقلیتی کمیشن کے چیرمین عبدالعظیم نے کہا کہ مسجدوں میں سنیٹائزئشن، صفائی ستھرائی اور دیگر احتیاطی تدابیر کے نفاذ کو یقینی بنانے کیلئے وقف بورڈ آگے آئے،  مسجدوں کیلئے خصوصی فنڈ جاری کرے۔

ایک نظر اس پر بھی

کورونا سے متاثر ہو کرمرنے والوں کی تدفین میں رکاوٹ درست نہیں، لاک ڈاؤن ہو یا نہ ہو اپنے آپ احتیاط برت کر وائرس سے بچنے کی کوشش کریں: ضمیر احمد خان

شہر بنگلورو میں کورونا وائرس کے کیسوں کی تعداد میں جس طرح کا بے تحاشہ اضافہ ہو رہا ہے اسی رفتار سے اس مہلک وباء کی زد میں آکر مرنے والوں کی تعداد میں بھی اضافہ ہو تا جارہا ہے۔ اس وباء کا شکار ہو کر مرنے والے افراد کی تدفین اور دیگر آخری رسومات کے لئے عالمی صحت تنظیم کی طرف سے جو ...

کوروناکاقہر جاری،کرناٹک میں ایک ہی دن 21اموات، 24گھنٹوں کے دوران بنگلورومیں 994سمیت جملہ 1694کووڈکاشکار

ریاست میں آج ایک ہی دن کوروناوائرس کی زدمیں آکر21مریض ہلاک ہوگئے جبکہ 1694 کووڈمعاملات کا پتہ چلاہے۔ کرناٹک میں بھی کوروناوائر س کاخوفناک پھیلاؤ رکنے اورتھمنے کا نام نہیں لے رہاہے،ہرگزرتے لمحے اوردن کے ساتھ کوروناوائرس کے نئے معاملات میں اضافہ ہی ہوتاجارہاہے،