بھٹکل:12؍اکتوبر(ایس اؤ نیوز) ہیبلے گرام پنچایت حدود میں واقع بجلی سپلائی مرکز OLTC ٹرانسفارمر میں اچانک  آگ لگنے کی وجہ سے لاکھوں روپئے مالیت کا نقصان ہوا ہے۔ یہ حادثہ سنیچر دوپہر کو  پیش آیا  ہے۔

بجلی سپلائی مرکز میں اولٹیج تبدیل کرنے والے آن لوڈ ٹیاپ چینجر میں ٹکنکل خرابی کی وجہ سے آگ لگنے کی بات کہی جارہی ہے۔ ہیسکام عملہ آگ بجھانےمیں ناکام ہوا  تو تھوڑی دیر بعد جائے وقوع پر پہنچی فائر برگیڈ عملے نے ایک گھنٹے سے زائد لگاتار کوششوں کے بعد   آگ بجھانے کی کوشش کی۔

آگ لگنے کی وجہ سے  شہرمیں قریب چار گھنٹوں تک بجلی سپلائی بند رہی اور عوام کو سخت پریشانیوں کا سامنا کرنا پڑا۔   اچانک بجلی چلی جانے سے  بجلی پر منحصر کام کاج ٹھپ پڑ گیا۔  بھٹکل ہیسکام معاون انجنئیر منجوناتھ وغیرہ جائے وقوع پر موجود رہ کر آگ بجھانے میں عملےکی رہنمائی کی۔ بتایا جارہا ہے کہ  بجلی سپلائی مرکز میں لگی آگ سے 10لاکھ روپیوں سے زائد کا نقصان ہواہے۔