حج سے قبل ایک لاکھ70 ہزار سے زیادہ عازمین مدینہ منورہ پہنچ گئے

Source: S.O. News Service | Published on 23rd June 2022, 12:59 PM | خلیجی خبریں |

ریاض ،23؍جون (ایس او نیوز؍ایجنسی)سعودی حکام کے مطابق اس سال حج سے قبل اب تک دنیا بھر سے مدینہ منورہ میں ایک لاکھ 72 ہزار 562 عازمین پہنچ گئے ہیں -

سعودی وزارت حج وعمرہ کی جانب سے مدینہ منورہ پہنچنے اور روانہ ہونے والے عازمین حج کے اعداد و شمار سے پتاچلتا ہے کہ حج پروازوں کے آغازکے بعد سے اب تک 156,828 عازمین کی مدینہ منورہ کے شہزادہ محمد بن عبدالعزیز بین الاقوامی ہوائی اڈے پرآمد ہوچکی ہے،جبکہ لینڈ امیگریشن سینٹر نے 13,097 عازمین حج کا خیرمقدم کیا ہے- وہ زمینی سرحدی گزرگاہوں کے ذریعے شہرنبی ؐ پہنچے تھے-

مدینہ میں قیام پذیرعازمین کی قومیتوں کے اعدادوشمار سے ظاہر ہوتا ہے کہ انڈونیشیا کے عازمین کی تعداد سب سے زیادہ (24,478) ہے-اس کے بعد بھارت، بنگلہ دیش، عراق اور ایران سے تعلق رکھنے والے عازمین مدینہ منورہ پہنچ  گئے ہیں -

گذشتہ چند روزکے دوران میں 76,955 عازمین مدینہ منورہ سے مکہ مکرمہ کے مقدس مقامات کی طرف روانہ ہوئے تھے-رواں ماہ کے اوائل میں سعودی عرب نے کورونا وائرس کی وبا کے بعد غیرملکی عازمین حج کے پہلے دستے کا خیرمقدم کیا تھا-یہ مسلم اکثریتی ملک انڈونیشیا سے تعلق رکھنے والے عازمین حج تھے-

اس کے بعد پاکستان سمیت دوسرے اسلامی ممالک سے بھی عازمین کی مدینہ منورہ میں آمد کا سلسلہ شروع ہوگیا تھا-پاکستانی عازمین تو مدینہ منورہ میں آٹھ روزہ قیام کے بعد مکہ مکرمہ کی جانب جارہے ہیں جبکہ دوسرے ممالک کے عازمین اپنے اپنے طے شدہ شیڈول کے مطابق مکہ مکرمہ روانہ ہورہے ہیں -

واضح رہے کہ کورونا وائرس کی وبا کے دوران میں حکام نے صحت سے متعلق عالمی رہنما خطوط کے مطابق سالانہ حج کو محدود کردیا تھا اور صرف سعودی عرب میں مقیم شہریوں اور تارکین وطن کو محدود تعداد میں حج کرنے کی اجازت دی گئی تھی-

اسلام کے پانچ ستونوں میں سے ایک حج تمام صاحبِ استطاعت مسلمانوں پرزندگی میں ایک بار فرض ہے-حج پر مکہ مکرمہ میں عام طور پر دنیا کا سب سے بڑا مذہبی اجتماع منعقد ہوتا ہے،2019 میں پچیس لاکھ سے زیادہ افراد نے فریضہ حج ادا کیا تھا-

لیکن 2020 میں وبا کے آغاز کے بعد حکام نے اعلان کیا تھا کہ وہ صرف 1000 عازمین کو حج کی اجازت دیں گے-اس سے اگلے سال انھوں نے قرعہ اندازی کے ذریعے منتخب ہونے والے عازمین حج کی تعداد 60 ہزار تک بڑھا دی تھی-البتہ ان پر یہ شرط عایدکی گئی تھی کہ وہ سعودی عرب میں مقیم شہری اورتارک وطن ہوں اور انھوں نے کورونا وائرس کی کسی بھی ویکسین کے دونوں انجکشن لگوا رکھے ہوں -

اپریل میں سعودی حکومت نے اعلان کیا تھا کہ وہ اس سال جولائی میں ہونے والے حج میں ملک کے اندر اور باہر سے دس لاکھ مسلمانوں کو شرکت کی اجازت دے گی-وزارت حج کے مطابق اس سال 65 سال سے کم عمر اور ویکسین لگوانے والے مسلمان ہی فریضہ حج ادا کرسکتے ہیں -

سعودی عرب سے باہر سے آنے والے حج ویزے کے درخواست گزاروں کو سفر کے72گھنٹے کے اندرکرائے گئے کووِڈ پی سی آرٹسٹ کا منفی نتیجہ بھی جمع کرانا ہوگا-

ایک نظر اس پر بھی

بھٹکل: قائد قوم ڈاکٹر ایس ایم سید خلیل کی خدمات کے اعتراف میں 10 ڈسمبر کو دبئی میں ہوگا اہم تہنیتی پروگرام؛ دیا جائے گا افتخار قوم کا خطاب؛ ریلیز کی جائے گی وڈیو ڈوکومینٹری

بھٹکل مسلم خلیج کونسل (بی ایم کے سی) نے قائد قوم ڈاکٹر ایس ایم سید خلیل الرحمٰن کو افتخار قوم کے خطاب سے نوازتے ہوئے ان کی خدمات کو زبردست خراج عقیدت پیش کرنے کا منصوبہ بنایا ہے

جدہ میں طوفانی بارش، دو کی موت، راستے تالاب میں تبدیل، مکہ جانے والی سڑک بھی بند

سعودی عرب کے ساحلی شہر جدہ میں جمعرات کے روز طوفانی بارش کے نتیجے میں دو لوگوں کی موت ہوگئی جبکہ کئی اہم راستے تالاب میں تبدیل ہوگئے۔ پتہ چلا ہے کہ زور دار بارش کی وجہ سے مکہ جانے والی سڑک پر بھی پانی جمع ہے اور روڈ سواریوں کے لئے بند ہے۔

بھٹکل : پاسپورٹ پر مکمل نام نہ ہونے کا معاملہ - انڈیا سے یو اے ای جانے والوں کے لئے نئی پریشانی

پاسپورٹ پر اپنے خاندانی لقب کے ساتھ مکمل نام نہ رہنے کی صورت میں ہندوستان سے دبئی اور  یو اے ای کے دیگر شہروں میں   آنے جانے والے مسافروں کے لئے مشکل کھڑی ہوگئی  ہے ، کیونکہ حکومت نے ایسے مسافروں کو دبئی میں داخلہ نہ دینے کا قانون جاری کیا ہے ۔ 

قطر میں جاری فیفا ورلڈ کپ کا پہلا اَپ سیٹ، سعودی عرب نے ارجنٹائن کو2-1 سے دی شکست؛ شائقین میں زبردست جوش و خروش

  دوحہ قطر میں جاری فیفا وڑلڈ  کپ  2022 میں  گروپ سی کے ایک افتتاحی میچ میں سعودی عرب کی ٹیم نے ورلڈ کپ کی فیوریٹ سمجھی جانے والی ارجنٹائن کی ٹیم کو ایک کے مقابلے میں دو گول سے شکست دے دی ہے۔

دبئی کے جبل علی فری زون میں 'پرائم ایکواکلچر' قائم کرے گا سب سے بڑا 'جھینگا فارم'

جبل علی فری زون میں 'ایکواکلچر' کمپنی کی جانب سے آر اے ایس ٹیکنیک والا جھینگا پالن کا پہلا اور سب سے بڑا فارم قائم کیا جائے گا ۔ اس ضمن میں 'ایمیریٹس نیشنل ایکواکلچر کی ماتحت فرم 'پرائم ایکوا کلچر' اور جبل علی فری زون (جافزا) کے بیچ "شرِمپ آر اے ایس فارم" کے لئے معاہدہ طے ہوا ہے ۔ ...