ممبئی،06 /جولائی (آئی این ایس انڈیا) ممبئی کے نواحی اور اس سے متصل تھانے ضلع میں گذشتہ 24 گھنٹوں کے دوران 100 ملی میٹر سے زادہ بارش ہوئی۔
ہندوستان کے محکمہ موسمیات نے ہفتہ کے روز ان علاقوں اور کونکن کے دیگر علاقوں میں بھی زبردست بارش کی پیش گوئی کی ہے۔ تھانے بیلاپور انڈسٹریل علاقے میں واقع ویدھ شالہ میں گزشتہ 24 گھنٹوں کے دوران 213.4 ملی میٹر بارش ریکارڈ کی گئی۔
محکمہ موسمیات کے ممبئی برانچ کے ڈپٹی ڈائریکٹر جنرل کے ایس ہوسالیکر نے کہا کہ ممبئی اور اس کے قرب وجوار میں شدید بارش ہوئی۔
وہیں تھانے اوراس کے مضافاتی علاقوں میں گذشتہ 24 گھنٹوں کے دوران 115.6 ملی میٹر سے زائد بارش ریکارڈ کی گئی۔
اگلے 24 گھنٹوں میں ممبئی، کونکن میں بھی موسلا دھار بارش کا امکان ہے۔ ممبئی کے مغربی علاقے میں گذشتہ 24 گھنٹوں کے دوران 116.1 ملی میٹر بارش ریکارڈ کی گئی۔ جبکہ جنوبی ممبئی کے کولابا میں 12.4 ملی میٹر بارش ریکارڈ کی گئی۔
مہاراشٹر کے رائے گڑھ میں گذشتہ 24 گھنٹوں میں 90 ملی میٹر بارش ریکارڈ کی گئی۔ پال گھر میں 60.3 ملی میٹر بارش ریکارڈ کی گئی۔