ہریدوار میں جاری کمبھ میلے میں کوورنا کا پھیلاؤ : 20 سادھو اور 100 سے زیادہ عقیدتمند متاثر، انتظامیہ کے ہاتھ پیر پھولے

Source: S.O. News Service | Published on 14th April 2021, 11:11 AM | ملکی خبریں |

ہریدوار،14؍اپریل (ایس او نیوز؍ایجنسی)  اتراکھنڈ میں جاری کمبھ کے میلے میں لاکھوں کی بھیڑ میں کورونا کا پھیلاؤ ہو گیا ہے۔ ذرائع کے مطابق یہاں 102 ہندو عقیدت مند اور 20 سادھو کورونا سے متاثر پائے گئے ہیں۔ میلے میں موجود کئی ہندو تنظیموں نے کورونا ٹیسٹ کرانے سے انکار کر دیا ہے، جس کی وجہ سے حالات مزید خراب ہونے کا اندیشہ ہے۔

رپورٹ کے مطابق ہریدوار میں جاری کمبھ کے میلے میں لاکھوں کی تعداد میں لوگ جمع ہیں اور یہاں کورونا پروٹوکول پر بالکل بھی عمل نہیں کیا جا رہا ہے۔ نہ تو کسی کے پاس ماسک نظر آتا ہے اور نہ ہی سماجی فاصلہ کے اصول پر عمل ہو رہا ہے۔

رپورٹ کے مطابق اکھل بھارتیہ اکھاڑا پریشد کا کہنا ہے کہ پیر کے روز ہونے والے شاہی اسنان میں ایک لاکھ سادھوں نے شرکت کی تھی۔ ہریدوار کے چیف میڈیکل آفیسر (سی ایم او) ڈاکٹر ایس کے جھا نے بتایا کہ حکومت کی جانب سے جاری کورونا سے متعلق رہنما ہدایات کی خلاف ورزی کی گئی ہے۔

سی ایم او نے بتایا کہ گزشتہ 24 گھنٹوں کے دوران جونا اکھاڑا کے پانچ، نرنجنی اکھاڑا کے 2 اور ناتھ و اگنی کے ایک ایک سادھو متاثر پائے گئے ہیں ۔ انہوں نے بتایا کہ گزشتہ چار دنوں میں اکھل بھارتیہ اکھاڑا پریشد کے صدر اور نرنجنی اکھاڑا کے سربراہ نریندر گری سمیت 18 سادھو کورونا سے متاثر پائے گئے ہیں۔ سی ایم او نے کہا کہ نریندر گری کی طبیعت بگڑنے کے بعد انہیں ایمس ہریدوار منتقل کیا گیا۔

ایک نظر اس پر بھی

کورونا کا خاتمہ جولائی تک نہیں ہوگا: ایکسپرٹ

جس طرح کورونا کے نئے معاملوں کی تعداد میں کمی درج ہو رہی ہے اس سے یہ امید بنی ہے کہ ہندوستان میں کورونا کی دوسری لہر کا خاتمہ جلد ہو جائے گا لیکن وبائی بیماریوں کے ماہر شاہد جمیل کا کہنا ہے کہ بھلے ہی ابھی کچھ ریاستوں میں کورونا کے کیس کم ہوتے نظر آ رہے ہوں لیکن دوسری لہر کا ...

سادگی کے ساتھ عید منائیں اور چھوٹی جماعت کے ساتھ عید کی نماز ادا کریں ، سرکردہ مسلم رہنماوں کی مسلمانوں سے اپیل

آل انڈیا مسلم پرسنل لاء بورڈ کے صدر مولانا رابع حسنی ندوی ۔ جمعیت علماءہند کے صدر مولانا ارشد مدنی ۔ جماعت اسلامی ہند کے امیر سید سعادت اللہ حسینی سمیت دیگر سرکردہ علماء اور مسلم قائدین مسلمانوں نے اپیل کی ہے کہ وہ کرونا کے بڑھتے خطرات کے پیش نظر احتیاط کریں اور مختصر جماعت ...

لاک ڈاؤن پر ہو سختی سے عمل: اشوک گہلوت

راجستھان میں عالمی وبا کورونا کی دوسری لہر کی چین توڑنے کے لئے آج صبح 5بجے سے لے کر 24 مئی تک سخت لاک ڈاؤن نافذ ہوگیا ہے۔ اس مدت کے دوران، ہنگامی اور ضروری خدمات، میڈیکل، دودھ اور دیگر ضروری خدمات کے لئے رعایت رہے گی۔