لوک سبھا انتخابات: کیا اُترکنڑا میں انکم ٹیکس کے مزید چھاپے پڑنے والے ہیں؟

Source: S.O. News Service | By I.G. Bhatkali | Published on 19th April 2019, 8:24 PM | ساحلی خبریں | ان خبروں کو پڑھنا مت بھولئے |

بھٹکل 19؍اپریل (ایس او نیوز) پارلیمانی الیکشن کے پس منظر میں محکمہ انکم ٹیکس اور انتخابی نگراں اسکواڈ کی طرف سے مختلف ٹھکانوں پر جو چھاپے مارے جارہے ہیں، اس تعلق سے خبر ملی ہے کہ ضلع شمالی کینرا میں مزیدکئی سیاسی لیڈروں اورتاجروں کے ٹھکانوں پر چھاپے پڑنے والے ہیں۔

حال ہی میں بی جے پی امیدوار اننت کمارہیگڈے اور جنتادل و کانگریس کے مشترکہ امیدوار آنند اسنوٹیکر کے قریبی ساتھیوں کے گھروں، دفاتر اور موٹر گاڑیوں پر چھاپے مارنے اور لاکھوں روپے نقد کے علاوہ اہم دستاویزات ضبط کیے جانے کی بات سامنے آئی تھی۔ کچھ لوگوں کا خیال ہے کہ مرکزی حکومت کے وزیر ہونے کے باوجود اننت کمار ہیگڈے کے گھر پر چھاپہ نہ مارتے ہوئے صرف ان کے قریبی ساتھی کی موٹر گاڑی اور ٹھکانے پر چھاپہ مارنا بس عوام کی آنکھوں میں دھول جھونکنے اور محض توازن برقرار رکھنے کی کوشش ہے۔

کچھ لوگوں کا یہ بھی کہنا ہے کہ اننت کمارہیگڈے سے پرخاش رکھنے والے کچھ لوگوں نے ہی مخبری کرکے فلائی اسکواڈ کو چھاپہ مارنے کا موقع فراہم کیا تھا۔

یاد رہے کہ حال ہی میں جب کرناٹک کے وزیراعلیٰ کماراسوامی جب مینگلور سے بذریعہ کار بھٹکل ہوتے ہوئے کاروار پہنچے تھے تو ان کی کار کی جگہ جگہ تلاشی لی گئی تھی، جس پر کماراسوامی نے کاروار پہنچنے کے بعد شدید ناراضگی کا بھی اظہار کیا تھا، جبکہ گذشتہ روز کماراسوامی جب ہیلی کاپٹر کےذریعے کمٹہ پہنچے تو وہاں اُن کے ہیلی کاپٹر کی بھی تلاشی لی گئی تھی۔

واضح  رہے کہ گزشتہ اسمبلی الیکشن کے موقع پر کچھ کانگریسی لیڈروں اور امیدواروں کے گھروں پر بھی انکم ٹیکس والوں نے چھاپے مارے تھے۔ بالکل اسی انداز میں اب پارلیمانی انتخابات کے دوران آنے والے دوایک دنوں کے اندرکانگریس اور جنتادل لیڈروں اوران کے قریبی ساتھیوں کے ٹھکانوں پر چھاپے مارے جانے کے امکانات جتائے جارہے ہیں۔

ایک نظر اس پر بھی

بھٹکل تعلقہ کے دوپنچایتوں کے جھگڑےمیں  مٹدہتلو اور مرڈیشور کا راستہ یتیم : عوامی نمائندوں پر عوام کی نظر

بھٹکل تعلقہ مرڈیشور کے ماولی -2 اور کائی کنی گرام پنچایتوں کی سرحد کی پیچیدگیوں چلتے مٹدہتلو اور مرڈیشور کے درمیان والی سڑک کا ایک ٹکڑا  یتیم ہوکر راہ گیروں اور بائک سواروں کے لئے مشکلات پیدا کئے ہوئے ہے۔

ملپے میں پاکستانی دہشت گرد موجود ہونے کی خبر۔سوشیل میڈیا پرہوئی وائرل۔ کوسٹ گارڈ پولیس نے کی وضاحت

سوشیل میڈیا اور کچھ الیکٹرانک میڈیا پر آج یہ خبر وائرل ہوئی ہے کہ بندرگاہی شہر ملپے میں ایک پاکستانی دہشت گرد موجود ہے جو تملناڈو سے فرار ہوکر یہاں کسی مقام پر چھپ گیا ہے۔

منگلورو میں جعلی دستاویزات کے ذریعے بینکوں اورگاڑیوں کے مالکان کو دھوکہ دینے والی4رکنی ٹولی گرفتار

منگلورو سٹی نارتھ کے اسپیشل کرائم ویجیلنس اسکواڈ اور اکنامک اینڈ نارکوٹک کرائم سے وابستہ پولیس افسران نے جعلی دستاویزات کے ذریعے بینکوں اور موٹر گاڑیوں کے مالکان کو لوٹنے والی چار رکنی ٹولی کو گرفتا ر کرلیا ہے۔

منگلورو میں کولشیکر کے قریب ریلوے پٹری پر زمین کھسک گئی؛ مینگلور سے گوا اورممبئی جانے والی ٹرین سروس متاثر؛ کئی ٹرینیں رد

تعلقہ کے کُولشیکر کے قریب پہاڑی  زمین کھسکنے  سے ریلوے ٹریک پر بہت ہی زیادہ مٹی اور کیچڑ کا ڈھیر لگ گیا  جس  کے نتیجے میں منگلورو اور اس روٹ پر آگے کی طرف جانے اور منگلورو کی طرف سے گوا اور ممبئی کی طرف چلنے والی ٹرین سروس متاثر ہوگئی۔  واردات جمعہ کو پیش آئی ہے۔