بھٹکل15/نومبر (ایس او نیوز) بھٹکل کا معروف اسپورٹس سینٹر مون اسٹار کی طرف سے فلسطین اور اس سے متعلق اُمور پرایک کوئیز مقابلہ کا انعقاد کیا  گیا ہے جس کے ذریعے فلسطین کی تاریخ سے مسلمانوں کو آگاہ کرنا مقصود ہے۔ مقابلہ میں اول آنے والے کو دس ہزارروپیہ نقد انعام، دوم کو سات ہزار روپیہ اور سوم آنے والے کو پانچ ہزار روپیہ انعام دیا جائے گا۔ اس کے علاوہ 25 خصوصی انعامات بھی دیے جائیں گے۔

پریس ریلیز جاری کرتے ہوئے کوئزمقابلہ کمیٹی کے کنوینرمولوی افلح سعدا نے بتایا کہ اس کوئیز مقابلہ میں بھٹکل سمیت مرڈیشور اور منکی کے عوام بھی شریک ہوسکتے ہیں جس کے لئے سوالات کی پی ڈی ایف فائل سوشل میڈیا کے توسط سے عام کی جائے گی۔ مقابلہ میں دس سال سے زائد عمر کے افراد (مرد و خواتین) حصہ لے سکتے ہیں۔ شریک ہونے والوں سے درخواست کی گئی ہے کہ سوالی پرچہ موصول ہونے کے بعد جوابات کو تحریری طور پر 23 نومبر 2023 ء بروز جمعرات تک دفتر مون اسٹاراسپورٹس سینٹر متصل مسجد خضر، ڈونگرپلی بھٹکل میں پہنچائیں۔

مولوی افلح نے بتایا کہ مسجد اقصی مسلمانوں کا پہلا قبلہ ہے اور اسلام میں اس کی بڑی اہمیت و فضیلت بیان کی گئی ہے نیز موجودہ حالات کی وجہ سے بھی اس سے متعلق معلومات سے واقف ہونا ہر مسلمان کے لیے ضروری ہے۔ انہوں نے عوام الناس سے گزارش کی کہ اس مقابلے میں بڑھ چڑھ کر حصہ لیں اور اپنے دوست احباب و متعلقین کو بھی اس مقابلے میں شریک ہونے کی دعوت دیں۔ 

پریس ریلیز میں بتایا گیا ہے کہ جوابات تحریرا پہنچانے ہوں گے زیروکس، فوٹو کاپی، ای میل وغیرہ قابل قبول نہیں ہوں گے۔ بھٹکل منکی مرڈیشور کے احباب اگر دوسرے شہروں یا ملکوں میں بھی مقیم ہوں تو ان کو بھی اس مقابلے میں حصہ لینے کی گنجائش رہے گی البتہ جوابات کی Hard copy دفتر مون اسٹار پہونچانی ضروری ہوگی۔ نمبرات مساوی ہونے کی صورت میں قرعہ اندازی کے ذریعے انعامات تقسیم کیے جائیں گے۔ اس کوئز مقابلہ کا نتیجہ ان شاء اللہ 30 نومبر 2023 بروز جمعرات بعد نماز عشاء داستان فلسطین نامی لائیو پروگرام کے ذریعے ظاہر کیا جائے گا۔ 

مزید معلومات کے لیے ان نمبرات پر رابطہ کرسکتے ہیں۔9739897755 ،  9632950412،  9844126212