موڈبیدری،4 / فروری (ایس او نیوز) زبانی تکرار کے بعد غصے میں بھرے نوجوان نے ایک 64 سالہ شخص کو اپنے ٹیپّر ٹرک کے نیچے کچل کر ہلاک کر دیا ۔
    
منگلورو سٹی پولیس کمشنر این ششی کمار نے بتایا کہ فیاض اور ایریس (33 سال) ایک دوسرے کے شناسا تھا ۔ فیاض جب نماز کے لئے مسجد جا رہا تھا تو غیر ذمہ دارانہ ڈرائیونگ کے معاملہ پر ایریس  سے اس کی زبانی جھڑپ ہوگئی ۔ جب فیاض نماز سے فارغ  ہوکر واپس لوٹ رہا تھا تو پھر دونوں کے درمیان جھگڑا جاری رہا اور ایریس نے فیاض پر حملہ کیا ۔  اس کے بعد جب فیاض سڑک کے کنارے چلتے ہوئے آگے جا رہا تھا تو ایریس نے اپنا ٹیپّر ٹرک بڑی بے پروائی اور تیز رفتاری کے ساتھ فیاض پر چڑھا دیا جس کے نتیجے میں فیاض کے دونوں پیر ٹرک کے ٹائروں کیے نیچے  بری طرح کچل گئے اور بہت ہی زیادہ خون بہنے لگا ۔  شدید زخمی حالت میں فیاض کو اسپتال میں منتقل کیا گیا مگر وہ جانبر نہ ہو سکا ۔ 
    
پولیس کمشنر کا کہنا ہے کہ موڈ بیدری پولیس نے ٹرک ضبط کرکے ملزم پر دفعہ 302 کا مقدمہ درج کیا   ہے اور اسے جلد ہی گرفتار کیا جائے گا ۔