نئی دہلی، 7؍مئی (ایس او نیوز؍ایجنسی) ہندوستان میں کورونا وبا سےپیداہوئےحالات کوانتہائی سنگین قرار دیتےہوئےامریکی صدر جو بائیڈن کے طبی مشیر اور کورونا معاملوں کا ایک معتبر نام ڈاکٹر فاؤچی نےسی این این سے گفتگو کرتےہوئےکہا ہے کہ ہندوستان میں اس وباکی چین کو توڑنے کےلئے تین سےچار ہفتوں کالاک ڈاؤن ضروری ہے۔

انہوں نےکہا کہ امریکہ میں بھی ایک ایسا وقت آ یاتھاجب وباسےمتاثر ہونےوالوں کی تعداد تین لاکھ یومیہ سےزیادہ تھی اور یومیہ اموات کی تعداد بھی چار ہزار کےقریب تھی ۔ انہوں نےکہا کہ ایسےوقت میں دنیا کےلوگوں کو صرف طبی سامان سے مدد نہیں کرنی چاہئے بلکہ افراد سے بھی مدد کرنی چاہئے۔

ڈاکٹر فاؤچی نے کہا کہ ہندوستان کو اپنی زیادہ سےزیادہآبادی کو ٹیکہ لگانا چاہئے کیونکہ ایسا کرنے سے لوگوں کو موت سے بچایا جاسکتاہے۔ انہوں نے کہا کہ اس وقت کورونا کےکئی ویرئنٹ ہیں ایسے میں ایک اچھا ٹیکہ بھلےہی کورونا وبا سےبچاؤ نہ کر پائےلیکن وہ اس سےلڑنےمیں مدد کر سکتا ہے۔اس سےکافی حد تک کورونا سےلڑائی میں مدد ملےگی۔

انہوں نےکہاکہ کورونا وائرس سےلڑنے میں دو پہلو بہت اہم ہیں ایک تو یہ کہ لوگوں کو اسپتال جانے سے بچایا جائےاور دوسرا یہ کہ انہیں اگر اسپتال جانا بھی پڑےتو ضروی دواؤں اور سہولیات کی کمی نہ ہو اور وبا کو کم کرنے کےلئے ان کا استعمال کیا جائے۔

ڈاکٹر فاوچی نےکہا کہ ہندوستان کےاسپتالوں میں بیڈ کی فوری ضرورت ہے اور اس سمت میں ہندوستان کوکام کرناچاہئے۔فوج کےمیک شفٹ اسپتالوں کی طرح اسپتال بنانے کی ضرورت ہے ۔واضح رہےامریکہ آکسیجن سمیت طبی سامان سےمدد کررہاہے۔