انگلینڈ نے ویسٹ انڈیز کو 124رنوں سے شکست دی؛معین علی کی طوفانی سنچری

Source: S.O. News Service | By Shahid Mukhtesar | Published on 25th September 2017, 11:52 PM | اسپورٹس |

برسٹل25 ستمبر (ایجنسی)انگلینڈ نے معین علی کی طوفانی سنچری کی بدولت ویسٹ انڈیز کو تیسرے ونڈے میں 124 رنز سے شکست دے کر سیریز میں 2-0 کی ناقابل شکست برتری حاصل کر لی۔برسٹل میں کھیلے گئے میچ میں ویسٹ انڈیز نے ٹاس جیت کر پہلے فیلڈنگ کا فیصلہ کیا جو بالکل غلط ثابت ہوا۔انگلینڈ نے مقررہ اوورز میں نو وکٹوں کے نقصان پر 369 رنز بنائے جس میں جیوروٹ 84 اوربین اسٹوکس 73 رنز بنانے میں کامیاب رہے لیکن اننگز کی خاص بات معین علی کی طوفانی سنچری تھی۔ معین نے ساتویں نمبر پر آ کر صرف 57 گیندوں پر سات چوکوں اور آٹھ چھکوں کی مدد سے 102 رنز کی شاندار اننگز کھیلی۔ویسٹ انڈیز کی جانب سے میگوئل کمنز تین وکٹیں لے کر سب سے کامیاب بولر رہے جبکہ جیسن ہولڈر نے دو وکٹیں حاصل کیں۔نشانہ کے تعاقب میں کرس گیل کے سوا کوئی بھی ویسٹ انڈین بیٹسمین لیام پلنکٹ کی تباہ کن بولنگ کا سامنا نہ کر سکا۔کرس گیل ایک مرتبہ پھر اپنی سابق روایتی فارم میں نظر آئے اور 78 گیندوں پر نو چوکوں اور چھ چھکوں کی مدد سے 94 رنز بنائے لیکن بدقسمتی سے رن آؤٹ کے نتیجے میں ان کی اننگز اختتام پذیر ہوئی۔اس کے علاوہ جیسن محمد 38 اور جیسن ہولڈر 34 رنز بنا کر نمایاں رہے اور پوری ٹیم 40ویں اوور کی پہلی گیند پر 245 رنز بنا کر آؤٹ ہو گئی۔انگلینڈ کی جانب سے لیام پلنکٹ نے عمدہ بولنگ کرتے ہوئے پانچ وکٹیں حاصل کیں جبکہ عادل راشد تین کھلاڑیوں کو آؤٹ کرنے میں کامیاب رہے۔انگلش کپتان روٹ نے ایک موسم میں سب سے زیادہ رنز بنانے کا نیا ریکارڈ قائم کردیا۔روٹ نے 79 گیندوں پر 84 کی اننگز کھیل کریہ کارنامہ انجام دیا، رواں سمر روٹ کے مجموعی رنز 1300 سے متجاوز ہوگئے ہیں۔اس سے قبل کسی ایک سیزن میں سب سے زیادہ رنز بنانے کا انگلش ریکارڈ سابق کپتان گراہم گوچ کے نام تھا، جوانھوں نے 1990 میں 1277رنز بناکر کر قائم کیا تھا۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...