مرکزی کابینہ کی میٹنگ: تین طلاق بل کو پھرایک بارپارلیمنٹ میں پیش کرنے کا فیصلہ

Source: S.O. News Service | By Shahid Mukhtesar | Published on 13th June 2019, 12:30 PM | ملکی خبریں |

 نئی دہلی 13/جون (ایس او نیوز/ ایجنسی) وزیر اعظم مودی کی صدارت میں بدھ کو مرکزی کابینہ کی میٹنگ ہوئی ۔ اس میٹنگ میں کئی اہم فیصلے کئے گئے ۔ مرکزی وزیر پرکاش جاوڑیکر نے پریس کانفرنس کرکے کابینہ میٹنگ میں ہوئے فیصلوں کی جانکاری دی ۔ پرکاش جاوڑیکر نے بتایا کہ مرکزی کابینہ کی میٹنگ میں طلاق ثلاثہ بل کو ایک مرتبہ پھر پارلیمنٹ میں پیش کرنے کا فیصلہ لیا گیا۔

خیال رہے کہ 16 ویں لوک سبھا تحلیل ہونے کے ساتھ ہی یہ بل غیر موثر ہوگیا تھا ۔ کیونکہ یہ پارلیمنٹ کے ذریعہ پاس نہیں ہوسکا تھا ۔ بل راجیہ سبھا میں زیر التوا تھا ۔ مرکزی وزیر پرکاش جاوڑیکر نے بتایا کہ بل پارلیمنٹ میں پیش کیا جائے گا اور اپوزیشن پارٹیوں نے اس پر جو اعتراضات کئے تھے ، ان پر بھی نوٹس لیا جائے گا ۔ یہ بل 17 جون سے شروع ہورہے 17 ویں لوک سبھا کے پہلے سیشن میں پیش کیا جاسکتا ہے۔

مرکزی کابینہ کی میٹنگ میں لئے گئے دوسرے فیصلہ کے تحت جموں و کشمیر میں بین الاقوامی سرحد پر رہنے الے گاوں کو بھی ریزرویشن ملے گا ۔ اس سے پہلے یہ ریزرویشن صرف ایل او سی کے نزدیک رہنے والے گاوں کو ملتا تھا ۔ 435 گاوں اور ساڑھے تین لاکھ لوگوں کو اس ریزرویشن کا فائدہ ہوگا ۔

مرکزی کابینہ نے یہ بھی فیصلہ کیا ہے کہ یونیورسٹیوں میں 200 پوائنٹ روسٹر جاری رہے گا اور یونیورسٹی کو ہی ریزرویشن نافذ کرنے کی اکائی مانا جائے گا ۔ اس کیلئے بل لایا جائے گا ۔ جنرل کاسٹ کوٹے کیلئے 50+10 فیصد ریزرویشن کو جلد سے جلد نافذ کیا جائے گا ۔

اس کے علاوہ کابینہ کی میٹنگ میں جموں و کشمیر میں صدر راج کی مدت میں چھ ماہ کی توسیع کا بھی فیصلہ کیا گیا ۔ جموں و کشمیر میں دو جولائی کو صدر راج کی مدت ختم ہورہی ہے ۔ نئی مدت تین جولائی سے شروع ہوگی ۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...