مودی حکومت کی کھرب پتیوں کے لیے بیٹنگ، عوام کمر توڑ مہنگائی سے دو چار، پرینکا گاندھی کا کرکٹ کی زبان میں حملہ

Source: S.O. News Service | Published on 25th February 2021, 10:06 PM | ملکی خبریں |

نئی دہلی،25؍فروری(ایس او نیوز؍ایجنسی) گجرات میں واقع موٹیرا کرکٹ گراؤنڈ کا نام نریندر مودی اسٹیڈیم رکھے جانے کے ایک دن بعد گھریلو گیس سلنڈر کے داموں میں اضافہ ہونے پر کانگریس کی جنرل سکریٹری پرینکا گاندھی نے مودی حکومت پر کرکٹ کی زبان میں حملہ بولا ہے۔ انہوں نے ٹوئٹ کیا کہ مودی حکومت میدان کے دونوں سروں سے اپنے کھرب پتی دوستوں کے لیے بیٹنگ کر رہی ہے اور عوام کو مہنگائی سے دو چار ہونا پڑ رہا ہے۔

رینکا گاندھی نے ٹوئٹ میں لکھا، ’’گزشتہ تین مہینوں میں گھریلو گیس سلنڈر پر 200 روپے کا اضافہ ہوا۔ پٹرول ڈیزل سنچری مارنے کی طرف بڑھ چکے ہیں۔ معیشت کے دونوں سروں سے کھرب پتی دوستوں کے لیے بیٹنگ کرنے والی مودی حکومت کی پِچ عام لوگوں کے لیے کمر توڑ مہنگائی سے بھری ہوئی ہے۔‘‘

خیال رہے کہ گھریلو ایل پی جی سلنڈر کی قیمتوں میں 24 روپے کا اضافہ کیا گیا ہے۔ نئی قیمتیں آج یعنی کہ 25 فروری سے نافذ ہو گئیں۔ ایل پی جی گیس کے دام رواں ماہ تیسری مرتبہ بڑھائے گئے ہیں اور 21 دنوں میں تقریباً 100 روپے کا اضافہ درج کیا گیا ہے۔ قیمتوں میں اضافہ کے بعد بغیر سبسڈی والا 14.2 کلوگرام کا سلنڈر اب 769 روپے سے بڑھا کر 794 روپے کا کر دیا گیا ہے۔

یکم دسمبر کو گیس سلنڈر 594 روپے سے بڑھا کر 644 روپے کا کیا گیا تھا۔ اس کے بعد یکم جنوری کو اس میں 50 روپے کا اضافہ کر دیا گیا اور قیمت 694 روپے ہوگئی تھی۔ اس کے بعد 4 فروری کو پھر سے قیمت بڑھائی گئی اور یہ 719 روپے کا ہو گیا۔ اس کے بعد 15 فرورو کو 25 روپے کا اضافہ کیا گیا جس کے بعد سلنڈر کے دام 769 روپے تک جا پہنچے۔

ایک نظر اس پر بھی

شعبہ اردوجامعہ ملیہ اسلامیہ کی جانب سے ممتاز ادیب و شعرا سلطان اختر، انجم عثمانی، مشرف عالم ذوقی، مناظر عاشق ہرگانوی اور سید نورالہدیٰ کے سانحہ ارتحال پر تعزیتی جلسے کا انعقاد

شعبہ اردوجامعہ ملیہ اسلامیہ کی جانب سے عظیم آباد پٹنہ میں مقیم بزرگ و ممتاز شاعر سلطان اختر، عہد حاضر کے معروف فکشن نگار اور صحافی انجم عثمانی، دور حاضر کے ممتاز ناول نگار اور بے باک صحافی مشرف عالم ذوقی، کثیرالتصانیف مصنف پروفیسر مناظر عاشق ہرگانوی اور اردو میں تاریخی، ...

فضول ہے یہ بحث کہ لاک ڈاؤن کب لگنا چاہئے! حالات انتہائی خراب

سمجھ نہیں آ رہا کہ کورونا وباکو روکنے کے لئے کس بات کو مانا جائے اور کس کو نہیں! کبھی اس وبا کو روکنے کے لئے لاک ڈاؤن اتنا ضروری ہو جاتا ہے کہ اگر ملک میں چند سو کیسز بھی ہوں تو لاک ڈاؤن نافذ کر دیا جاتا ہے اور اس بات کا بھی خیال نہیں کیا جاتا کہ مہاجر مزدوروں کا کیا حال ہوگا؟ ان ...

دہلی میں لاک ڈاؤن کے اعلان کے بعد مہاجر مزدوروں میں ایک بار پھر افراتفری ، وزیر اعلیٰ اروند کیجریوال کی عوام سے اپیل ، کہا ؛ دہلی چھوڑ کر نہ جائیں ، یہ لاک ڈاؤن مختصر وقفے کیلئے ہے

دہلی میں لاک ڈاؤن کا اعلان ہوتے ہی ایک بار پھر دہلی کے مہا جر مزدوروں کو وہ پرانے دن یاد آگئے جب گزشتہ سال اچانک ملک بھر میں لاک ڈاؤن لگا دیا گیا تھا۔

حکومت ٹیکہ بنانے والی کمپنیوں کو 4500 کروڑ روپئے پیشگی دے گی ، ٹیکوں کا پروڈکشن بڑھانے اور ٹیکہ کاری کو رفتار دینے کیلئے اہم فیصلہ ، وزیر اعظم کی کمپنیوں کے ذمہ داروں سے میٹنگ

مودی حکومت نے کورونا کے سبب ملک میں پھیلی ابتری پر اب سنجیدگی کا مظاہرہ کرتے ہوۓ ٹیکہ بنانے والی کمپنیوں سے ان کا پروڈکشن بڑھانے کی اپیل کی ہے۔ ساتھ ہی اس معاملے میں 45 سوکروڑ روپئے  پیشگی  کے طور پرادا کرنے کا فیصلہ کیا ہے تا کہ یہ کمپنیاں اپنے ٹیکوں کے پروڈکشن میں اضافہ ...

مہاراشٹر میں مکمل لاک ڈاؤن کی دستک ، نئی پابندیاں ، دکانیں صبح 7 سے 11 بجے تک ہی کھلی رہی گی

مہاراشٹر میں جنتا کرفیو کے نفاذ کے ایک ہفتہ بعد بھی حالات میں سدھار نہ آنے اور کورونا کے نئے معاملات میں مسلسل اضافے کو دیکھتے ہوئے ریاست میں مکمل لاک ڈاؤن کی دستک سنائی دینے لگی ہے جس کے تعلق سے وزیراعلیٰ اُ دھوٹھا کرے بدھ کو حتمی  اعلان کر سکتے ہیں۔ لاک ڈاؤن کے امکان کو تقویت ...

ہندوستان میں گزشتہ 24 گھنٹوں کے دوران 259170 نئے کورونا کے معاملے، ایک دن میں سب سے زیادہ اموات

 کورونا وائرس کے معاملوں میں اضافہ کا سلسلہ لگاتار جاری ہے۔ مرکزی وزارت صحت کی طرف سے جاری اعدادوشمار کے مطابق منگل کے روز ملک میں ایک بار پھر ڈھائی لاکھ سے زیادہ کیسز کی تصدیق کی گئی۔ یہ لگاتار چوتھا دن ہے جب ملک میں ڈھائی لاکھ سے زہادہ کیسز کی تصدیق کی گئی۔