مودی چوکیدار نہیں ، رشوت خوری میں حصہ دار ہیں: سدارامیا

Source: S.O. News Service | By Shahid Mukhtesar | Published on 14th April 2019, 12:57 PM | ریاستی خبریں |

میسورو،14؍اپریل (ایس او نیوز) میسور کے مہاراجہ کالج میدان میں میسور و کورگ پارلیمانی حلقہ، چامراج نگر اور منڈیا حلقوں کے کانگریس اور جنتا دل ( یس ) کے مشترکہ امیدواروں کے حق میں منعقدہ انتخابی مہم میں سابق وزیر اعظم و جنتا دل (ایس) کے قومی صدر ایچ ڈی دیوے گوڈا ، سابق ریاستی وزیر اعلیٰ و سینئر کانگریس لیڈر شری سدارامیا ،سابق مرکزی وزیر سی ایم ابراہیم، میسور ضلع کے انچارج وزیر جی ٹی دیوے گوڈا ، سابق انچارج وزیر ڈاکٹرایچ سی مہادیواپا اور دونوں کانگریس اور جنتا دل ( یس ) کے اہم قائدین نے حصہ لیا۔

جلسہ سے خطاب کرتے ہوئے سدارامیا نے وزیر اعظم نریندرمودی پر الزام عائد کیا اور کہا کہ مودی اس دیش کے چوکیدار نہیں ہیں بلکہ رشوت خوری میں حصہ دار ہیں۔سب سے بڑی حقیقت یہ ہے کہ مودی بہت بڑے جھوٹے ہیں اور میسور و کورگ کے بھارتیہ جنتا پارٹی کے امیدوار پرتاب سمہا مودی کے اسسٹنٹ ہیں۔ انہوں نے کہاکہ گزشتہ پانچ برسوں میں اب تک مودی نے 89ملکوں کا دورہ کرکے 1690کروڑ روپئے خرچ کئے ہیں۔ جب کہ بحیثیت وزیر اعظم انہیں ملک کے دیہاتوں کو دورہ کرنا چاہئے تھا ۔ انہوں نے بتایاکہ گزشتہ پانچ برسوں میں صرف بیرونی ممالک کا دورہ اور "من کی بات’’ہی نریندر مودی کی اہم نمایاں کارگردگی ہے۔ کسانوں کی حفاظت کی بجائے وجئے ملیاء ، امبانی اور ادانی کی حفاطت کی ہے۔سدارامیا نے کہاکہ گزشتہ انتخابات کے موقع پر مودی نے کسانوں کی آمدنی کو دگنا کرنے اور بے روزگاری کے مسئلے کو مکمل طور پر ختم کرنے کا وعدہ کیا تھا ، کیا۔ انہوں نے اس وعدے کو پورا کیا؟۔ اس کے برعکس مودی نے رافیل گھوٹالے کے ذریعہ 30,000کروڑ روپئے لوٹ لئے۔ بنگلور میسور نیشنل ہائی وے کی تعمیر کے تعلق سے سدرامیا نے کہا کہ مودی اس راستے کے تعمیر ی کام کا کریڈیٹ اپنے سر لینا چاہتے ہیں۔جب کہ اس راستے کی ترقی کا سہرا سابق مرکزی وزیر برائے سرفیس ٹرانسپورٹ آسکر فرنانڈیز کے سرجاتا ہے۔ اس میں پرتاب سمہا کا کوئی رول نہیں ہے ۔

انہوں نے کہاکہ اب تک پرتاب سمہا نے میسور و کورگ کی ترقی کے لئے کچھ نہیں کیا ہے ۔ اور کورگ میں سیلاب کی وجہ سے کافی نقصان ہونے کے باوجود مرکزی حکومت نے ایک روپیہ کا بھی مالی تعاون نہیں کیا۔مرکزی حکومت کے زیر انتظام انکم ٹیکس محکمہ کی جانب سے کئی کانگریس اور جنتا دل ( یس ) کے قائدین اور انکے معاونین کے گھروں پر چھاپوں کی کڑی تنقید کرتے ہوئے کہا کہ ریاستی بھارتیہ جنتا پارتی کے صدر بی یس یڈیو رپا نے آپریشن کمل کے موقع پر جنتا دل ( یس ) کے 20اراکین اسمبلی کو 30کروڑ روپئے دینے کا آفر پیش کیا تھا۔ اس تعلق سے محکمہ انکم ٹیکس کو کانگریس اور جنتا دل( یس ) کے کئی قائدین کی جانب سے شکایت کے باوجود بی یس ا یڈی یورپا کے خلاف کوئی کارروائی نہیں کی گئی۔ اس موقع پر خطاب کرتے ہوئے سابق وزیر اعظم و جنتا دل ( یس) کے قومی صدر ہچ ڈی دیوے گوڈا نے پارلیمانی حلقے میسور و کورگ ، منڈیا اور چامراج نگر کے تمام ووٹروں سے اپیل کی کہ اس دیش سے فرقہ پرستی اور نفرت کی سیاست کو ختم کرنے کے لئے جنتا دل ( یس ) اور کانگریس کے امیدواروں کو ووٹ دیں ۔

ایک نظر اس پر بھی

ملک میں مجبور پی ایم چاہتی ہے کانگریس، کرناٹک میں ریلیوں میں پھرپاکستان کے حوالے سے مودی کاخطاب

معلق لوک سبھاکے تجزیئے کے درمیان اب بی جے پی نے واضح اکثریت مانگنی شروع کردی ہے ۔وزیر اعظم نریندر مودی نے جمعرات کو دعوی کیا کہ کانگریس ملک میں ایک مجبور وزیر اعظم بنوانا چاہتی ہے۔انہوں نے لوگوں سے مرکز میں قومی سلامتی پر زور دینے والی مضبوط حکومت بنوانے کی اپیل بھی کی۔شمالی ...

لوک سبھا انتخابات کا دوسرا مرحلہ ؛کشمیر سے کنیا کماری تک ہورہی ہے پولنگ؛ شام تک 61 فیصد پولنگ؛ جموں و کشمیر میں سب سے کم ووٹنگ

  لوک سبھا انتخاب کے دوسرے مرحلے کے لیے صبح 7 بجے سے ووٹنگ شروع ہو گئی ہے۔ دوسرے مرحلے میں ملک کی 12 ریاستوں کی 95 لوک سبھا سیٹوں پر ووٹنگ ہو رہی ہے، جس کے لئے 1.78 لاکھ پولنگ بوتھ بنائے گئے ہیں۔ اس میں 1629 امیدوار اپنی قسمت آزمائی کر رہے ہیں۔ دوسرے مرحلے کے دوران اتر پردیش کی 8، مغربی ...