ضلع شمالی کینرا کے یلاپور حلقے میں ضمنی اسمبلی انتخاب کے پیش نظر لاگو ہواضابطہ اخلاق
کاروار 11/نومبر (ایس او نیوز)ضلع شمالی کینرا کے یلاپوراسمبلی حلقے میں 5دسمبر کو ضمنی انتخاب منعقد ہونے والا ہے۔ اس کے پیش نظر پیر کے دن سے ہی ضابطہ اخلاق لاگو کیا گیا ہے۔ریاستی چیف الیکشن کمشنر کی طرف سے جاری کردہ بیان کے مطابق ضابطہ اخلاق کا اطلاق پورے ضلع شمالی کینرا پر ہوگا۔
ریاست کے جملہ 15اسمبلی حلقوں میں کانگریس اور جے ڈی ایس کے اراکین اسمبلی استعفیٰ دینے کی وجہ سے خالی نشستوں پر ضمنی انتخابات منعقد ہو رہے ہیں، جس میں سے ایک حلقہ ضلع شمالی کینرا کا یلاپور بھی ہے، جہاں سے کانگریسی رکن اسمبلی شیو رام ہیبار نے استعفیٰ دیا تھا۔یلاپور حلقے کے علاوہ ہاویری، چکبالاپور، بنگلورو مضافات،کے حلقوں میں ضابطہ اخلاق کو پورے ضلع میں لاگو کیا جائے گا۔ جبکہ بقیہ 9مقامات پر صرف متعلقہ اسمبلی حلقے میں ہی ضابطہ اخلاق لاگو ہوگا۔
معلوم ہو اہے کہ 2018کے انتخابات میں بنگلورو سنٹرل حلقے میں ایم 3نامی جس ووٹنگ مشین کا استعمال ہواتھا اب اسی ماڈل کی مشینیں تمام ضمنی انتخابات والے حلقوں میں استعمال کی جائیں گی۔