سمستی پور،19؍جنوری(آئی این ایس انڈیا) بہارمیں ان دنوں نظم ونسق کی بدحالی کی خبریں خوب آرہی ہیں۔نتیش حکومت میں ماب لنچنگ کے واقعات ہوتے رہے ہیں۔اورایسالگتاہے کہ نتیش کمارپوری طرح بے بس ہیں۔میڈیاکے سوال کرنے پروہ بھڑک جاتے ہیں۔اپوزیشن جب آئینہ دکھاتاہے توپندرہ برس پہلے کی بات کرنے لگتے ہیں لیکن یہ نہیں بتاتے کہ ان کے پندرہ برس حکومت کرنے کے بعدبھی صورت حال ایسی کیوں ہے؟بہارکے سمستی پور ضلع سے ایک بڑی خبر آگئی ہے۔ماب لنچنگ کے واقعہ نے یہاں سنسنی پھیلائی ہے۔ ضلع کے وبھوتی پورمیں دیہاتیوں کے ہجوم نے قتل کے ملزم کو زدوکوب کیا۔ تب سے پورے خطے میں تناؤپھیل گیا ہے۔وہ نوجوان جس کو ہجوم نے اسے مارا پیٹا وہ سونوہے۔ بتایا جارہا ہے کہ سونو کمار ولد مہیش مہتو ساکن وبھوتی پور تھانہ علاقہ کے بوریاڈھی وارڈ 12 کا رہائشی 14 جنوری کو لاپتہ ہوگیا تھا۔ یہ الزام لگایا جاتا ہے کہ پولیس نے نامزد ملزم کو گرفتار نہیں کیا اورپیرکی صبح دریائے گنڈک ندی کے کنارے پر بوری میں بند سونو کی لاش ملی۔ اس میں نامزد ملزمان میں سونو بھی شامل ہے۔اس کے بعد گائوں کے ہجوم نے ملزم کے گھر پر حملہ کیا اور ملزم سونو کو زدوکوب کیا۔ دوسرے ملزم کو اتنا مارا پیٹا گیا کہ وہ آدھامردہ ہو گیا۔ جسے پولیس نے علاج کے لیے اسپتال میں داخل کرایا ہے۔ فی الحال معاملے کی تفتیش جاری ہے۔