اتر پردیش: بہرائچ میں 9 لاکھ 81 ہزار روپے کا گھوٹالہ، مشکل میں منریگا مزدور!

Source: S.O. News Service | By Shahid Mukhtesar | Published on 7th December 2019, 8:43 PM | ملکی خبریں |

بہرائچ،7/دسمبر(ایس او نیوز/یو این آئی) اترپردیش کے ضلع کے شیوپور علاقے میں آواس بنانے والے مزدوروں کی 9 لاکھ 81 ہزار روپئے کی مزدوری دو اے پی او اور کمپیوٹر آپریٹر نے آن لائن دوسرے کھاتے میں ٹرانسفر کردیا۔ بلاک ڈیولپمنٹ افسر کے ذریعہ کرائی گئی جانچ کے بعد پورا کھیل سامنے آیا۔ شیوپور کے اکاونٹنٹ کی تحریر پر کھیری گھاٹ پولیس نے جعل سازی اور انسداد بدعنوانی ایکٹ کے تحت مقدمہ درج کر کے معاملے کی جانچ شروع کردیا ہے۔

بلاک شیوپور میں وزیراعظم رہائشی اسکیم کے تحت سہبتیا گاؤں کی شانتی کو مزدوری کی ادائیگی کئے جانے کے لئے رقم بھیجی گئی تھی لیکن اس کے کھاتے میں پیسہ نہیں آیا۔ اطلاع ملنے پر بلاک ڈیولپمنٹ افسر سی بی یادو نے معاملے کی جانچ شروع کرائی۔ جس میں پتہ چلا کہ کھاتے میں پیسہ بھیجا گیا ہے وہ حضور پور کے کٹگھری باشندہ ونیت کے نام پر ہے۔ اس کھاتے میں مئی سے لے کر اگست ماہ تک کئی بار رقم بھیجے جانے کا انکشاف ہوا۔ شبہ ہونے پر بی ڈی او نے یکم اپریل 2019 سے لے کر 30 ستمبر تک آن لائن بھیجے گئے تمام ٹرانجکشن کی جانچ شروع کرادی۔ جانچ کے دوران معلوم ہوا کہ علیحدہ علیحدہ چھ کھاتوں میں 9 لاکھ 81 ہزار روپئے بھیجے گئے ہیں یہ سبھی کھاتے بلاک حضور پور کے تھے۔

پولس نے ہفتہ کے روز اس سلسلے میں کہا کہ سبھی کے خلاف دھوکہ دہی اور انسداد بدعنوانی ایکٹ کے تحت مقدمہ درج کرلیا گیا ہے۔ پورے معاملے کی جانچ کی جارہی ہے۔

ایک نظر اس پر بھی

سی اے اے کے خلاف تمام اپوزیشن جماعتوں کو ایک پلیٹ فارم پر آنے کی ضرورت: پی چدمبرم

  این پی آر کی موجودہ شکل کو ناقابل قبول بتاتے ہوئے سابق مرکزی وزیر پی چدمبرم نے کہا کہ کانگریس پارٹی اس کو قبول نہیں کرے گی ۔انہوں نے شہریت ترمیمی ایکٹ ،این آر سی اور این پی آر کے خلاف تمام اپوزیشن جماعتوں کو متحد ہوکر اس کی مخالفت کرنی چاہیے۔

دہلی: کانگریس کی 54 امیدواروں کی فہرست جاری

کانگریس نے دہلی کی 70 ارکان پر مشتمل اسمبلی کے انتخابات کےلئے 54 امیدواروں کی پہلی فہرست سنیچر کو جاری کی جس میں سینئر لیڈر کرشنا تیرتھ، راجیش لیلوتیا، ہارون یوسف، ڈاکٹر نریندر ناتھ اور اروند سنگھ لولی سمیت کئی اہم لیڈر شامل ہیں۔ کانگریس انتخابی کمیٹی کے سربراہ مکل واسنک نے ...

کیجریوال نے کروڑوں روپے لیکر ٹکٹ فروخت کیا: آدرش شاستری

سابق وزیر اعظم لال بہادر شاستری کے پوتے اور دوارکا سے عام آدمی پارٹی (عآپ) کے رکن اسمبلی آدرش شاستری نے ہفتہ کے روز وزیر اعلی اروند کیجریوال پر 10 سے 20 کروڑ روپے لیکر دہلی اسمبلی انتخابات کے ٹکٹ فروخت کرنے کا سنگین الزام عائد کیا ہے۔

  اتر پردیش میں 10 آئی پی ایس افسران کے تبادلے

 اتر پردیش حکومت نے سنیچر کو انڈین پولیس سروس (آئی پی ایس) کے دس افسران کا تبادلہ کر دیا۔ سرکاری ذرائع کے مطابق پی اے سی مرادآباد میں ڈپٹی انسپکٹر جنرل آف پولیس ایس سی دوبے کو اعظم گڑھ (رینج) کا ڈپٹی انسپکٹر جنرل آف پولیس بنایا گیا ہے جبکہ اعظم گڑھ کے موجود ڈی آئی جی جے ...

نربھیا کیس: مجرم پون کا دفاع کرنے والے وکیل برے پھنسے، بار کونسل نے بھیجا نوٹس

نربھیا کیس میں قصواروں کے وکیل اے پی سنگھ کو دہلی کی بار کونسل نے نوٹس جاری کیا ہے۔ اتنا ہی نہیں، بار کونسل نے ان سے دو ہفتے کے اندر جواب بھی طلب کیا ہے۔ قابل ذکر ہے کہ ہائی کورٹ نے حال ہی میں دہلی بار کونسل سے اے پی سنگھ کے خلاف کارروائی کرنے کو کہا تھا۔ ساتھ ہی ان کے اوپر 25 ہزار ...

60 کروڑ آدھار نمبر پہلے ہی این پی آرسے جوڑے جا چکے ہیں

اس وقت اس بات کو لے کر تنازعہ چل رہا ہے کہ این پی آر کو آدھار کے ساتھ جوڑا جائے گا یا نہیں۔ کئی میڈیا رپورٹس میں یہ بتایا گیا ہے کہ این پی آر کو آدھار نمبر کے ساتھ جوڑا جائے گا۔ لیکن وزارت داخلہ کا یہ کہنا ہے کہ کسی بھی شخص کو کوئی بھی دستاویز دینے کو مجبور نہیں کیا جائے گا۔