مینگلور 2 اگست (ایس او نیوز) سابق ایم ایل سی ایوان ڈیسوزا کی رپورٹ کورونا پوزیٹیو آنے کی اطلاع کے اگلے ہی روز رکن اسمبلی یوٹی قادر نے اتوار کو  اعلان کیا کہ وہ خود سے ہی ہوم کورنٹائن ہوگئے ہیں کیونکہ وہ ایوان ڈیسوزا کے ابتدائی رابطے میں تھے۔

یوٹی قادر نے ٹویٹ کرتے ہوئے بتایا کہ  جیسے ہی مجھے سابق ایم ایل سی ایوان ڈیسوزا اور ان کی اہلیہ ڈاکٹرکویتا کی رپورٹ کورونا پوزیٹیو آنے کی اطلاع ملی میں نے اپنے آپ کو فوری طور پر گھر پر ہی بند کردیا ہوں اور کورنٹائن ہوگیا ہوں۔ انہوں نے بتایا کہ دکشن کنڑا ضلعی ٹاسک فورس کمیٹی کے انچارج ہونے کے ناطے میں بھی ایوان ڈیسوزا کے پرائمری  رابطے میں  تھا۔

میں اگلے چند دنوں تک اپنی تمام تر ذمہ داریاں گھر سے ہی ادا کروں گا، آپ مجھ سے کچھ کام ہونے کی صورت میں فون پررابطہ کرسکیں گے، میں اپنے تمام ساتھیوں اوردوستووں سے  اپیل کرتا ہوں جو گذشتہ کچھ دنوں سے ہمارے رابطے میں آئے تھے، وہ  لوگ اپنا کوویڈ جانچ کرائیں۔ یوٹی قادر نے اس بات کی تمنا ظاہر کی کہ ایوان ڈیسوزا اور ڈاکٹر کویتا اور وہ سبھی لوگ جو کوویڈ سے متاثر ہوئے ہیں، جلد صحت یاب ہوجائیں اور  کوویڈ سے پاک ہوجائیں۔ قادر نے عوام الناس سے اپیل کی کہ آپ  کو کورونا سے ڈرنے یا خوف کھانے کی ضرورت نہیں ہے،  آپ کہیں ہم کورونا سے خوفزدہ نہیں  ہیں لیکن  ہاں، ہم احتیاط کریں گے۔

یوٹی قادر نے بتایا کہ  کورونا کو شکست دینا ہے تو کورونا  آنے کے آثار نظر آتے ہی  تمام احتیاطی پہلووں پر غور کریں اور اس سے فائٹ کرنے کی تدابیر پر عمل کریں، آئیے ہم سب مل کر کوویڈ۔19 کو شکست دیں۔

یاد رہے کہ ایوان ڈیسوزا اور ان کی اہلیہ ڈاکٹر کویتا کی رپورٹ سنیچر کو کورونا پوزیٹیو آئی تھی۔