پہلے آر ایس ایس دفتر میں قومی ترانہ پڑھا جائے: این اے حارث

Source: S.O. News Service | Published on 17th May 2022, 7:30 AM | ریاستی خبریں |

بنگلورو،17؍مئی(ایس او نیوز)اتر پردیش، مہاراشٹرا اور دیگر ریاستوں کے بعد اب کرناٹک میں مدرسو ں میں قومی ترانہ پڑھنے کی پابندی کو لے کر ہندو شدت پسند تنظیموں کی طرف سے شروع کی گئی تحریک پر شہر کے شانتی نگر کے رکن اسمبلی این اے حارث نے سخت برہمی کا اظہار کیا ہے۔

سری رام سیناکے سربراہ پرمود متالک کی طرف سے مدرسوں میں روزانہ قومی ترانہ پڑھانے کی پابندی نافذ کرنے کے لئے حکومت سے مانگ پر سخت برہمی کا اظہار کرتے ہوئے انہوں نے کہا کہ مسلمانو ں کو قومی ترانہ پڑھنے کے لئے پرمود متالک جیسوں کی طرف سے نصیحت کی ضرورت نہیں ہے۔ قومی ترانے کے تئیں مسلمانوں کی محبت پرمود متالک سے زیادہ ہی ہے کم نہیں۔

انہوں نے کہا کہ متالک میں اگر جرأت ہے تو سب سے پہلے آر ایس ایس کے دفتروں میں قومی ترانہ پڑھنے کی پابندی نافذ کروائیں۔ انہوں نے کہا کہ انتخابات چونکہ بہت قریب ہیں اس لئے روزانہ کسی نہ کسی موضوع پر سماج میں نفرت پھیلانے کی کوشش کی جا رہی ہے اور مدارس میں قومی ترانہ پڑھنے کی پابندی کا مطالبہ کرنے کی آڑ میں شدت پسند تنظیمیں مسلمانوں کی حب الوطنی پر سوالیہ نشان لگانے کی کوشش کر رہی ہیں اس کو ہرگز برداشت نہیں کیا جائے گا۔

انہوں نے کہا کہ ریاست اور مرکز کی بی جے پی حکومت عوام کو درپیش بنیادی مسائل مہنگائی، بے روزگاری، کرپشن وغیرہ سے نپٹنے میں مکمل طور پر ناکام ہو چکی ہے اور جب بھی ان معاملات پر عوام کی توجہ مرکوز کرنے کی کوشش کی جاتی ہے تو اس سے توجہ ہٹانے کے لئے نفرت کا کوئی نہ کوئی موضوع سامنے لایا جاتا ہے۔ عوام بھی اب ان کی چالوں سے واقف ہو چکے ہیں کہ عوامی مفادات سے ان حکومتوں کو کچھ سروکار نہیں بلکہ وہ ملک کی اکثریت و اقلیت دونوں کی آنکھ میں دھول جھونک رہے ہیں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔