اقلیتو ں پر ہو رہے مظالم کے خلاف احتجاج، مائنارٹی کانگریس کی طرف سے ڈپٹی کمشنر کو یادداشت پیش

Source: S.O. News Service | Published on 4th January 2022, 11:39 AM | ریاستی خبریں |

کولار، 4؍جنوری (ایس او نیوز)اقلیتوں خاص کر مسلمانوں اور عیسائیوں پر ہورہے مظالم کے خلاف آج کولار ضلع کانگریس کمیٹی اقلیتی ڈپارٹمنٹ کے زیر اہتمام احتجاجی مظاہر ہ کیاگیا۔اقلیتی کانگریس کے قائدین اور کارکنوں نے ڈپٹی کمشنر دفتر پہنچ کر ایک یادداشت پیش کی۔

یادداشت میں کہا ہے کہ ملک میں عیسائی طبقے کے لوگ پورے امن او ر بھائی چارہ کے ساتھ زندگی گذار رہے ہیں، تعلیم اور صحت کے شعبے میں ان کی خدمات کو فراموش نہیں کیاجاسکتاہے،ایسے میں ان عیسائی طبقات کے تعلیمی اداروں میں گھس کر چند فرقہ پرست لوگ دہشت پھیلارہے ہیں اور ان پر حملے کر کے انہیں ڈرانے دھمکانے کی کوشش کررہے ہیں۔ملک بھر میں مسلمانوں،عیسائیوں پر مسلسل حملوں کے باوجود حکومت اور محکمہ داخلہ کی طرف سے کوئی کارروائی نہیں کی جارہی ہے اوران طبقات کو تحفظ فراہم نہیں کیاجارہاہے۔

پچھلے دنوں منڈیاضلع کے نرمل اسکول میں گھس کر ہنگامہ کھڑا کیاگیا اور اساتذہ پر حملہ کیاگیاانہیں گالیاں دی گئیں۔اقلیتی قائدین نے ضلع انتظامیہ کے ذریعے حکومت سے مطالبہ کیاہے کہ عیسائیو ں پر ہورہے مظالم کو روکنے کیلئے فوری اقدامات کرے،بیلگاوی،منڈیا اور گوکاک اور دیگر مقامات پر کئے گئے حملوں کے معاملے میں ملوث افراد کے خلاف قانونی کارروائی کی جائے۔

اس احتجاج میں ضلع کانگریس کمیٹی اقلیتی ڈپارٹمنٹ کے چیرمین محمد حنیف ارشاد،ریاستی نائب صدر پیارے جان،سابق کے یو ڈی اے چیرمین عبدالقیوم،سابق چیرمین ضلع وقف مشاورتی کمیٹی ہدایت اللہ شریف،سابق کونسلر محمد صلاح الدین بابو،اقلیتی کانگریس کولار بلاک صدر محمد اعظم،کریسٹوفر، ایاز احمد،رتنما،اسلم،اعجاز اور دیگر موجود تھے۔

ایک نظر اس پر بھی

ریاستی سرکاری نصاب کی غلطیوں کی تصحیح کےلئے متبادل نصابی کتب تیار کریں گے اور بچوں کو توہم پرستی اور اندھی تقلید سے بچائیں گے : دیونور مہادیو

آر ایس ایس کی سرکار اسکولی بچوں کو جو کچھ سکھانا چاہتی ہے وہ سکھائے ۔ لیکن ہم متبادل کے طورپر دستور کی تمہید، منشاء سمیت سب کچھ انہیں سکھانے کا کام کریں گے۔ ریاست کے مشہور و معروف کنڑا ادیب دیونورمہادیو نے ان خیالات کااظہار کیا۔

ملک میں ایک نہ ایک دن ’یکساں سول کوڈ‘ ضرور نافذ ہوگا، کرناٹک کے وزیرکوٹا سرینواس پجاری کا خیال

 کرناٹک کے سماجی بہبود کے وزیر کوٹا سرینواس پجاری نے بدھ کے روز کہا کہ متنازعہ یونیفارم (یکساں) سول کوڈ ایک نہ ایک دن ملک میں نافذ ہوگا۔ انہوں نے کہا، ’’بی جے پی یکساں سول کوڈ لانے کے لیے پرعزم ہے اور اسے نافذ کرنے جا رہی ہے۔ یہ بی جے پی ہی ہی ہے جس نے جموں و کشمیر میں دفعہ 370 کو ...

منگلورو : ملالی مسجد کے مقام پر دیوی موجود ہے - کیرالہ کے نجومی کا دعویٰ - ضلع انتظامیہ نے نافذ کیے امتناعی احکامات

ملالی میں واقع السید عبداللہ جامع مسجد میں تجدید نو کے دوران مندر کے باقیات پائے جانے کا دعویٰ کرتے ہوئے ہندو شدت پسند تنظیموں نے جو تنازعہ کھڑا کیا ہے اس میں اب مزید پیچیدگی پیدا ہوگئی ہے ، کیونکہ ہندو مذہبی عقیدہ کے مطابق کیرالہ سے بلائے گئے علم زائچہ کے ماہر اور نجومی ...

شیموگہ ضلع میں بارش کی وجہ سے 40 کروڑ کا نقصا ن

پچھلے ہفتے ہوئی مسلسل بارش سے ضلع میں تقریباً 40کروڑ روپئے کا نقصان ہونے کا اندازہ لگایاگیاہے۔وزیر اعلیٰ کے ساتھ اس سلسلے میں تبادلہئ خیال کرنے کے بعد ضروری معاوضہ دلانے کیلئے اقدامات کئے جائیں گے۔یہ بات ضلع نگران کار وزیر نارائن گوڈانے کہی۔