نئی دہلی،14اکتوبر(ایس او نیوز/آئی این ایس انڈیا) مغربی دہلی کے نارائن  علاقے میں 16 سالہ لڑکی کی عصمت دری کے بعد قتل کرنے کے الزام میں ایک شخص کو گرفتار کیا گیا ہے۔پولیس نے اتوار کو بتایا کہ ملزم اور متاثرہ ایک دوسرے کو جانتے تھے۔پولیس نے بتایا کہ انہیں دین دیال اپادھیائے ہسپتال سے لڑکی کی موت کے بارے میں ہفتہ کو اطلاع ملی۔پولیس کے مطابق، لڑکی صبح کے وقت اپنے والدین کو مردہ ملی تھی، متاثرہ کی لاش پر چوٹ کا کوئی نشان نہیں ہے۔پولیس کے ایک سینئر افسر نے بتایاکہ ہم نے موقع پر تجربہ کیا اور ایم ایل سی کی رپورٹ کے بعد پتہ چلا کہ لڑکی کے ساتھ عصمت دری ہوئی تھی۔ انہوں نے بتایا کہ تفتیش میں پتہ چلا کہ اسی علاقے میں رہنے والا شخص واقعہ سے پہلے اس سے ملنے آیا تھا۔افسر نے بتایا کہ ملزم کے خلاف پاکسو اور تعزیرات ہند کی مختلف دفعات میں مقدمہ درج کیاگیاہے۔