دہلی میں 16 سالہ بچے کی موب لنچنگ، چوری کے شک میں پیٹ پیٹ کر قتل، 6 گرفتار

Source: S.O. News Service | By Shahid Mukhtesar | Published on 27th July 2019, 12:16 PM | ملکی خبریں | ان خبروں کو پڑھنا مت بھولئے |

نئی دہلی،27؍جولائی (ایس او نیوز؍ایجنسی) دہلی میں موب لنچنگ کا ایک نیا معاملہ سامنے آیا ہے۔ آدرش نگر کے لال باغ علاقہ میں گھر میں گھسے نابالغ کا بھیڑ نے پیٹ پیٹ کر قتل کر دیا۔ واقعہ جمعہ کی صبح کا ہے۔ پولس نے غیر ارادتاً قتل کی دفعہ میں مقدمہ درج کر 6 ملزمین کو گرفتار کر لیا ہے۔

خبروں کے مطابق آدرش نگر کے ایک مکان میں نابالغ ایک گھر میں چوری کرنے کے ارادے سے گیا تھا۔ تبھی گھر کے مالک نے اسے پکڑ لیا اور چور-چور کی آواز لگانے لگے۔ چوری کی بھنک لگتے ہی بھیڑ اکٹھا ہو گئی اور نابالغ کی زبردست پٹائی شروع کر دی۔ خبر ملتے ہی پولس موقع پر پہنچی اور اس وقت تک لڑکا پٹائی کے سبب بیہوش ہو چکا تھا۔ پولس نے فوراً اسے اسپتال پہنچایا جہاں علاج کے دوران اس کی موت ہو گئی۔

کچھ میڈیا ذرائع کا کہنا ہے کہ آدرش نگر کے لال باغ کلسٹر میں جمعہ کی صبح تقریباً 4 بجے ایک گھر میں پڑوس میں رہنے والا نابالغ ساحل گھر میں گھس گیا۔ اسی دوران مکان مالک مکیش کی نیند کھل گئی اور اس نے مبینہ طور پر چوری کرنے کی نیت سے گھسے ساحل کو دیکھ لیا۔ جیسے ہی اس نے چور-چور کی آواز لگائی، سبھی لوگ جاگ گئے اور جمع بھیڑ نے ساحل کی پٹائی کر دی۔ خبر ملنے پر وہاں پہنچی پولس نے ساحل کو بابو جگجیون رام اسپتال میں داخل کرایا جہاں وہ زخموں کی تاب نہ لا کر چل بسا۔

بچے کی ماں نے ایک ہندی نیوز ویب سائٹ سے بات چیت کرتے ہوئے کہا کہ ’’رات 2 بجے سے ہمارے بیٹے کو پیٹا جا رہا تھا اور صبح 6 بجے تک وہ اسے پیٹتے رہے۔ میرا 15 سال کا بیٹا تھا جو کہ گھر کا خرچ چلاتا تھا۔ اب اس کی دو بہنوں اور تین بھائیوں کی پرورش کون کرے گا۔‘‘ انھوں نے مزید بتایا کہ ’’یہ سبھی بچے روزانہ ساتھ اٹھتے بیٹھتے تھے اور انہوں نے ہی میرے بیٹے کی جان لی۔ اب ہمیں انصاف چاہیے۔‘‘

پولس کا کہنا ہے کہ لڑکے پر چوری کا الزام عائد کیا گیا ہے اور بتایا جا رہا ہے کہ وہ چوری کے مقصد سے لال باغ علاقہ کے ایک گھر میں گھسا تھا۔ مکان مالک اور پڑوسیوں نے لڑکے کو پکڑ لیا اور اس کی خوب پٹائی کی۔ بھیڑ کے ذریعہ پٹائی کے سبب اس کی موت ہو گئی۔ پولس نے اس سلسلے میں سی سی ٹی وی فوٹیج کی بنیاد پر مکان مالک مکیش سمیت 6 لوگوں کو گرفتار کیا ہے۔ پولس کا کہنا ہے کہ حالانکہ ابھی تک یہ صاف نہیں ہو پایا ہے کہ مہلوک لڑکا وہاں چوری کرنے کے لیے گیا تھا یا کسی اور مقصد سے۔

واضح رہے کہ جمعرات کو دہلی سے ملحق نریلا میں بھی موب لنچنگ کا ایک واقعہ سرزد ہوا تھا۔ یہاں بھی چوری کے شک میں ایک شخص کا پیٹ پیٹ کر قتل کر دیا گیا تھا۔ پولس کے مطابق جمعرات کی شب دو دوست اپنے گھر سے کچھ دور ایف بلاک میں ٹہل رہے تھے۔ اس وقت بجلی کٹی ہوئی تھی اور لوگ باہر ٹہل رہے تھے۔ الزام ہے کہ اسی بیچ ایک دوست دیوار پھلانگ کر منتوش ٹھاکر کے گھر کی چھت پر چڑھنے کی کوشش کرنے لگا۔ یہ دیکھ کر لوگوں نے اسے نیچے اتار کر لات گھونسوں سے پیٹنے لگے۔ سنگین حالت میں اسے اسپتال پہنچایا گیا جہاں اس کی موت ہو گئی۔

ایک نظر اس پر بھی

عمران حسین، جنہوں نے نوجوان لیڈر کے طور پر اپنی پہچان بنائی

 عام آدمی پارٹی کے بلیماران اسمبلی حلقے سے رکن اسمبلی عمران حسین کالج کے دنوں سے ہی سماج کے مظلوم اور محروم طبقے کے درمیان بیداری پھیلانے میں سرگرم رہے اور ضرورت مند لوگوں کو سماجی انصاف دلانے کے لئے ہر ممکن کوشش کی۔

گوپال رائے نے ’آزادی کے شہیدوں‘ کے نام پر حلف لیا

دہلی کے رام لیلا میدان میں اروند کجریوال نے اپنی پوری کابینہ کے ساتھ تیسری بار حلف لیا۔ کجریوال کے ساتھ دہلی حکومت کے چھ وزراء نے بھی حلف اٹھا لیا۔ جن میں منیش سسودیا، ستیندر جین، گوپال رائے، کیلاش گہلوت، عمران حسین، راجندر پال گوتم شامل ہیں۔ یہ تمام پچھلی حکومت میں بھی وزیر ...

اروند کجریوال تیسری مرتبہ بنے وزیر اعلیٰ، دہلی کو آگے بڑھانے کے لئے  پی ایم کا آشیرواد چاہتا ہوں

اروند کجریوال نے اتوار کو تیسری بار دہلی کے وزیر اعلی کے عہدے کا حلف لیا۔ ان کے بعد منیش سسودیا، ستیندر جین، گوپال رائے، کیلاش گہلوت، عمران حسین اور راجندر پال گوتم نے وزیر کے عہدے کا حلف لیا۔

جامعہ: لائبریری میں پڑھ رہے طلباء پر پولیس نے کی تھی بربریت، ویڈیو سے انکشاف

جامعہ ملیہ اسلامیہ میں 15 دسمبر 2019 کو پولیس کی طرف سے کی گئی بربریت سے متعلق ایک ویڈیو منظر عام پر آئی ہے۔ جامعہ کوآرڈینیشن کمیٹی کی طرف سے جاری کی گئی اس ویڈیو میں نظر آ رہا ہے کہ پولیس لائبریری میں موجود ان طلباء کو زد و کوب کر رہی ہے جو وہاں مطالعہ کر رہے تھے۔ جامعہ کوآرڈینیشن ...

 آئی اے ایس آفیسر منیش موڈگل کا تبادلہ

آئی اے ایس عہدیدار منیش موڈگل جنہیں مرکزی حکومت نے گزشتہ ہفتہ ای گورننس کے لیے قومی ایوارڈ عطا کیا تھا، کا کمشنر سروے ، سیٹلمنٹ اور لینڈ ریکارڈس کے عہدہ سے تبادلہ کردیا گیا ۔ منیش کو اب محکمہ پر سونل اور انتظامی اصلاحات کا سکریٹری مقرر کیا گیا۔ کے وی تری لوک چندر جو پہلے ...

سنگرور: اسکول وین میں آگ لگنے سے حادثہ، معصوم بچے زندہ جلے، 4 کی موت

 پنجاب میں ضلع سنگرور کے لونگوال قصبہ میں سنیچر کی دوپہر ایک اسکول وین میں اچانک آگ لگنے سے اس میں سوار چار معصوم بچے زندہ جل گئے، دیگر آٹھ بچوں کو وین میں سے نکال لیا گیا جن میں سے 3 کی حالت نازک بتائی جا رہی ہے۔