جب جب بنگال کے بی جے پی ممبران پارلیمنٹ نے لیا حلف، تب تب لگے ’جے شری رام‘ کے نعرے
نئی دہلی، 17 جون(ایس او نیوز/آئی این ایس انڈیا) لوک سبھا میں پروٹیم اسپیکر وریندر کمار کھٹک نو منتخب ممبران پارلیمنٹ کو حلف دلا رہے تھے۔خاص بات یہ ہے کہ جب جب مغربی بنگال کے بی جے پی ممبران پارلیمنٹ نے حلف اٹھا یا تو پورا ایوان جے شری رام کے نعروں سے گونج اٹھا۔سب سے پہلے نریندر مودی کابینہ میں شامل بابل سپریو نے حلف اٹھا یا۔جیسے ہی وہ حلف لینے کے کھڑے ہوئے بی جے پی کے ایم پی جے شری رام کے نعرے لگانے لگے۔اس کے بعد مرکزی وزیر مملکت دیباشری چودھری نے بھی جب حلف لیا تو جے شری رام کے نعرے لگے۔بابل سپریو آسن سول اور دیباشری چودھری رائے گنج سیٹ سے لوک سبھا کا الیکشن جیتی ہیں۔