چند وزراء اور اراکین اسمبلی سیشن سے غیر حاضر رہیں گے، صحت یابی کے باوجود چند وزراء کا اجلاس میں شرکت سے انکار
بنگلورو،18؍ستمبر(ایس او نیوز) بروزپیر 21؍ستمبر سے شروع ہورہے اسمبلی اجلاس میں کورونا سے متاثر ہونے والے کئی ریاستی وزراء اور اراکین اسمبلی شرکت نہیں کرسکیں گے۔سیشن میں شرکت کرنے والے وزراء، اراکین اسمبلی، افسرو ں اور میڈیا کے نمائندوں کو کووِڈ ٹسٹ سے لازمی گزرنا ہوگا۔اس ٹسٹ میں جن لوگوں کا نتیجہ نگیٹیو آئے گا صرف انہیں کو اجلاس میں داخلہ کی اجازت ہے۔کئی وزراء اور اراکین اسمبلی کووِڈ سے متاثر ہو کر صحت یاب ہوئے ہیں وہ خود اس اجلاس میں شرکت کرنا نہیں چاہتے۔ کئی ایک ریاستی وزراء بسواراج بومئی، کے گوپالیا اور بائرتی بسواراج نے کورونا سے متاثر ہونے کے بعد ڈاکٹروں کے مشورہ سے خود کو کوارنٹائن کرلیا ہے۔وزیر خوراک گوپالیا منی پال اسپتال میں زیر علاج ہیں۔ وزیر مویشی پالن پربھو چوہان بھی کورونا سے متاثرہو کر اسپتال میں زیر علاج ہیں۔حالانکہ چند وزراء اور اراکین اسمبلی علاج کے بعد صحت یاب ہو چکے ہیں لیکن یہ سب کوارنٹائن ہو کر اپنے آپ کو الگ تھلگ کرلیا ہے۔یہ سب اجلاس میں شرکت نہیں کریں گے۔ذرائع کے مطابق اسمبلی اجلاس کے آغاز ہی سے چند لجس لیٹرس اجلاس کی کارروائی میں شرکت نہیں کرسکیں گے۔جو لجس لیٹرس کووِڈ مشتبہ ہیں وہ بھی اجلاس میں شرکت نہیں کرسکیں گے۔