کم سے کم تائیدی قیمت اسکیم جاری کی جائے: کوڈی ہلی چندر شیکھر
بنگلورو، 27؍جون (ایس او نیوز) کسان رہنما کوڈی ہلی چندر شیکھر نے حکومت سے مطالبہ کیا ہے کہ مرکزی حکومت کی جانب سے ملک بھر میں ایم ایس پی (کم سے کم تائیدی قیمت) جاری کرے اور ریاستی حکومت یہاں اس کا مناسب ڈھنگ سے نفاذ کرے۔
یہاں پریس کلب میں اخباری نمائندوں سے بات کرتے ہوئے کوڈی ہلی نے یہ مطالبہ کیا اور کہا کہ ریاست میں مانسون کی بارش کا آغاز ہوچکاہے اور کیمیائی کھاد کی قیمتوں میں اضافہ ہورہا ہے لیکن محکمہ زراعت اس جانب توجہ نہیں دے رہا ہے جس سے کسان پریشان ہیں۔
انہوں نے وزیراعلیٰ بسواراج بومئی سے مطالبہ کیا کہ کم سے کم تائیدی قیمت جاری کرنے خصوصی اہمیت دیں۔نصابی کتابوں میں تخفیف کے نام پر طلبہ کے ساتھ کھلواڑ کیا جارہا ہے،اس لئے نصابی کتابوں کی تخفیف صحیح رہنما خطوط پر کی جائے۔ گوڈی ہلی نے بتایا کہ رعیت سنگھا میں کوئی نا اتفاقی نہیں ہے۔