بھٹکل میں فیض الرسول کے زیر اہتمام میلاد البنی ؐ کا پرامن جلوس
بھٹکل:11؍نومبر(ایس اؤ نیوز) میلاد النبی ؐ کی مناسبت سے فیض الرسول کی جانب سے اتوار کو میلاد جلوس کا اہتمام کیاگیا ۔ بندرروڈ پر واقع عیدگاہ میدان سے نکلا جلوس شمس الدین سرکل سے ہوتے ہوئے مین روڈ، سلطان اسٹریٹ ، پھول بازار سمیت کئی اہم راستوں سے گزرا۔
جلوس کے دوران دف بجاتے ہوئے نعت خوانی سنائی جارہی تھی، شہر کے اہم راستوں سے گزرنے کے بعد پبلک چبوترے پر پہنچ کر جلوس اختتام کو پہنچا۔ فیض الرسول کے صدر محمد علیم گوائی ، مولانا فیضان محتشم ، جفری اکرمی ، مولانا رئیس اکرمی ، جاوید احمد حاجی فقی ،مولانا اشرف صدیقہ، ابوہریرہ اکرمی ، مستان چڈوباپا ، عبدالمجید گلمی ، منیراحمد وغیرہ موجود تھے۔ ضلع ایڈیشنل ایس پی گوپال بیاکوڈ ، اے ایس پی نکھیل ، سی پی آئی پرکاش ایم ایس کی رہنمائی میں پولس انتظامات کئے گئے تھے۔ جلوس کا نظارہ کرنے شہر کے اہم ناکوں پر خواتین اور بچوں کی بھی کافی بھیڑ دیکھی گئی۔