دہلی الیکشن سے پہلے رام مندر ٹرسٹ کا اعلان کر سکتی ہے وزارت داخلہ:ذرائع
نئی دہلی،22جنوری(آئی این ایس انڈیا) دہلی اسمبلی انتخابات سے پہلے ایودھیا کے لئے رام مندر ٹرسٹ کا اعلان ہو سکتا ہے۔ ذرائع سے ملی معلومات کے مطابق وزارت داخلہ اس معاملے میں نوٹیفکیشن جاری کرنے والی ہے۔اس وقت رام مندر ٹرسٹ میں شامل کئے جانے والے ناموں کو حتمی شکل دیا جا رہا ہے۔ذرائع سے یہ بھی پتہ چلا ہے کہ رام مندر ٹرسٹ میں 8 سے 18 لوگوں کے نام ہو سکتے ہیں۔
بتایاجا رہا ہے کہ ٹرسٹ کے تحفظ منڈل میں کچھ نام کے عہدے کے مطابق ہوں گے - جیسے وزیر اعلی، گورنر، چیف سکریٹری، داخلہ سکریٹری،اس کے علاوہ ایودھیا کے سنت بھی ان میں شامل ہوں گے۔وشو ہندو پریشد کے دو اور آر ایس ایس سے 1 رکن ٹرسٹ میں شامل ہو سکتا ہے،اگرچہ بی جے پی سے بھی ایک نام شامل کرنے کا دباؤ ہے،فی الحال نوٹیفکیشن جاری ہونے کا انتظار ہے۔ذرائع سے یہ بھی پتہ چلا ہے کہ مسجد کے لئے تین مقامات کی تجویز ہے لیکن مندر- مسجد تعمیر پر ایک اسکیم بنائی گئی ہے،جس پر مرکزی کابینہ کی مہر لگے گی۔
سپریم کورٹ نے 9 نومبر کو متفقہ طور پر کئے گئے فیصلے میں 2.77 ایکڑ کی مکمل متنازعہ زمین کو رام للا کو دے دی تھی۔ساتھ ہی سپریم کورٹ نے سنی وقف بورڈ کو مسجد بنانے کے لئے پانچ ایکڑ زمین الاٹ کرنے کے احکامات بھی حکومت کو دئے،جس میں پانچ رکنی آئینی بنچ نے یہ فیصلہ سنایا، اس میں اس وقت کے چیف جسٹس رنجن گوگوئی کے علاوہ موجودہ چیف جسٹس جسٹس ایس اے بوبڈے، جسٹس دھننجی وائی چندرچوڑ، جسٹس اشوک بھوشن اور جسٹس ایس عبد النذیر شامل تھے۔