یمن میں ایک ٹانگ سے محروم بچی کا اقوام متحدہ کے ایلچی کو پیغام

Source: S.O. News Service | By JD Bhatkali | Published on 23rd January 2021, 6:51 PM | خلیجی خبریں |

دبئی،23جنوری (آئی این ایس انڈیا)یمن میں حوثی باغیوں کےحملے میں ایک ٹانگ سے محروم ہونے والی بچی کی ویڈیو وائرل ہوئی ہے جس کی درد ناک کہانی نے انسانی ہمدردی کا جذبہ رکھنے والے ہر شخص کو رلا دیا۔

یمن کی یہ بچی شیما ہے جس کی ایک ٹانگ ایرانی حمایت یافتہ حوثی باغیوں کے حملے میں کٹ گئی تھی۔ وہ ایک ٹانگ پر کھڑی ہے۔ اس نے ایک ٹانگ پر کھڑے ہو کر یمن کے لیے اقوام متحدہ کے خصوصی مندوب مارٹن گریفیتھس کے نام اپنا پیغام ریکارڈ کرایا ہے۔ اس پیغام میں اس نے حوثی باغیوں کی دہشت گردی کا شکوہ کیا ہے۔ شیما کا کہنا ہے کہ یمن کے عوام اس کی طرح گذشتہ چھ سال سے حوثیوں کاظلم اور ان کا عذاب جھیل رہے ہیں۔

ایک درد بھری کیفیت کا اظہار کرنے والی شیما کا کہنا ہے کہ 'میں یمن کی شیما ہوں اور میری عمر10 سال ہے، میں تعز میں حوثیوں کے داغے گئے گولے کے پھٹنے سے زخمی ہوئی۔ میں یمن کے ہزاروں بچوں کے دکھوں اور ان کی تکالیف کا ثبوت ہوں'۔

دوسری جانب یمن کے زیر اطلاعات معمر الاریانی نے کہا ہے شیما نامی بچی حوثی باغیوں‌ کی گولہ باری سے زخمی ہوئی تھی۔ اس کا تعلق یمن کے علاقے تعز سے ہے۔

خیال رہے کہ چھ جنوری کو حوثی شدت پسندوں نے شمال مشرقی تعز میں التعزیہ ڈاریکٹوریٹ کو الگ کرنے کے لیے ایک بڑا سیکیورٹی آپریشن شروع کیا اور علاقے کی مسلسل ناکہ بندی کی گئی ہے۔ اس نام نہاد آپریشن کے دوران حوثی دہشت گردوں نے نہتے شہریوں کے قتل عام، لوٹ مار کے ساتھ خواتین اور بچوں کو اغوا کرنے کا غیرانسانی طریقہ بھی اپنا رکھا ہے۔

ایک نظر اس پر بھی

سعودی عرب مختلف شعبوں میں خواتین کی شمولیت کے بعد عالمی درجہ بندی میں آگے!

سعودی عرب نے خواتین کی مختلف شعبوں میں روزگار یا کاروبار کے سلسلے میں شمولیت کے بعد مسلسل دوسرے سال عالمی بنک کی درجہ بندی میں بہتر مقام حاصل کر لیا ہے اور اس نے عالمی بنک کی ’’خواتین ، کاروبار اور قانون 2021ء‘‘ نامی رپورٹ میں 100 میں 80 پوائنٹس حاصل کیے ہیں۔

سعودی وزیر سرمایہ کاری خالد الفالح نے کہا ؛ ریجنل دفاتر کے حوالے سے کاغذی کارروائی کافی نہیں

سعودی وزیر سرمایہ کاری خالد الفالح نے کہا ہے کہ ریجنل دفاتر کے حوالے سے کاغذی کارروائی کافی نہیں ہو گی البتہ جو کمپنیاں اپنے ریجنل دفاتر ریاض میں کھولیں گی انہیں متعدد ترغیبات حاصل ہوں گی۔

سعودی عرب: ایک لاکھ کیلے کے درختوں پر مشتمل زرعی فارم کی مالکن- زلیخہ یحیی الکعبی

سعودی عرب میں کیلوں کے سب سے بڑے باغ کی مالکن ’زلیخہ یحیی الکعبی‘ نے العربیہ ڈاٹ نیٹ کو بتایا کہ ’’میں نے کھیتی باڑی کے شعبے میں زراعت کے مختلف طریقے اپنائے ہیں۔ ان میں سب سے اہم طریقہ ’’آبی زراعت‘‘ کا تھا۔